سوات : اتروڑ میں یکے بعد دیگرے دو دھماکے 1 سیکورٹی اہلکار شہید 2 افراد زخمی ہوگئے۔
ابتدائی معلومات کے مطابق سوات کے علاقے اتروڑ میں پہلے سے نصب شدہ بم پھٹنے کے دو افراد زخمی ہوئے، دھماکے کے بعد سیکورٹی فورسز کی بھاری نفری جائے حادثہ پر پہنچنے کے بعد دوسرا بم دھماکہ ہوا، سیکورٹی فورسز کے ترجمان نے تصدیق کی ہے کہ دوسرے دھماکے میں 1 سیکورٹی اہلکار جامِ شہادت نوش کرگیا ہے تاہم پہلے دھماکے میں دو شہری زخمی ہوئے جنہیں طبی امداد کےلیے اسپتال روانہ کردیاگیاہے۔
بم ڈسپوزبل اسکواڈ کے اہلکاروں نے بتایا ہے کہ جائے حادثہ پر دو بم نصب کیے گیے تھے پہلے دھماکے کے بعد سیکورٹی فورسز کے پہنچنے پر ریموٹ کنٹرول ڈیوائس کے ذریعے دوسرا دھماکہ کیا گیا، جائے وقوعہ سے ریسکیو کا عمل مکمل کرلیا گیا ہے اور سیکورٹی فورسز کی بھاری تعداد نے جائے وقوعہ پہنچ کر علاقے کو گھیرے میں لے کر دہشت گردوں کی تلاشی شروع کردی ہے، جب کے بم ڈسپوزبل کا عملہ شواہد اکھٹے کرنے میں مصروف ہے۔
علاقہ مکینوں کے مطابق دھماکہ شدید نوعیت کا تھا جس کی آواز دور دور تک سنائی گئی تھی۔
