کراچی : اسٹیٹ بینک نے پہلی بار ڈیجیٹل کرنسی لانچ کرنے کا پلان پیش کردیا، گورنراسٹیٹ بینک نے کہا کہ ڈیجیٹل کرنسی لانچ کرنے کیلئے دنیا کے مرکزی بینکوں کے منصوبوں کو چیک کر رہے ہیں۔
تفصیلات کے مطابق گورنراسٹیٹ بینک جمیل احمد نے کہا ہے کہ اسٹیٹ بینک کا پہلی بار ڈیجیٹل کرنسی لانچ کرنےکا پلان ہے، ڈیجیٹل کرنسی لانچ کرنےکا منصوبہ بنا رہا ہے۔
جمیل احمد کا کہنا تھا کہ ڈیجیٹل کرنسی لانچ کرنے کیلئے دنیا کے مرکزی بینکوں کے منصوبوں کو چیک کر رہے ہیں اور 8 سے 10 مرکزی بینکوں نے ڈیجیٹل کرنسی لانچ پر پائلٹ بیسز پر کام کا آغاز کیا ہے۔
گورنراسٹیٹ بینک نے کہا کہ ابھی جائزہ لے رہے کہیں ایسا نہ ہو کہ کوئی دھوکا ہو جائے۔
خیال رہے مرکزی بینک کی ڈیجیٹل کرنسیوں کو فزیکل کیش کے ممکنہ متبادل کے طور پر سمجھا جا رہا ہے، اور انہیں سرکاری بینکوں کے ذریعے ریگولیٹ اور جاری کیا جاتا ہے۔
واضح رہے سال 2018 میں پاکستان نے ورچوئل کرنسیوں کو غیر قانونی قرار دیا، جس میں بٹ کوائن اور لائٹ کوائن شامل ہیں۔
