فیصل آباد: سابق چیئرمین سوتر منڈی کے ملازم کی پُر اسرار موت معمہ بن گئی ، مقدمے میں حارث کو قتل کرنے کا شبہ ظاہر کیا گیا ہے۔
تفصیلات کے مطابق فیصل آباد میں سابق چیئرمین سوتر منڈی کے ملازم حارث کی پراسرار موت کا مقدمہ درج کرلیا گیا، حارث کے بھائی ہارون کی مدعیت میں قتل کی دفعہ کےتحت مقدمہ درج کیا گیا،
تھانہ کوتوالی میں درج مقدمےمیں باپ اور 2 بیٹوں کو ملزم نامزد کیا گیا ہے، جس میں سابق چیئرمین یارن مرچنٹس ایسوسی ایشن منور شیخ ، بیٹامعظم اور طیب شامل ہیں،
ایف آئی آر میں کہا گیا کہ حارث 25سال سے ملزمان کے پاس ملازمت کر رہا تھا ، حارث نے کاروبار میں لگائے 70 لاکھ روپے اور 5ماہ کی تنخواہ مانگی تو ملزم منور شیخ نے حارث کی رقم دینے سے انکار کر دیا.
مقدمے میں کہا گیا کہ ملزم نےدھمکی دی تمہارا حل نکال لیا ،پیسےمانگنےکےقابل نہیں رہوگے، رات کو ملزم معظم نے فون کیا حارث کوئی غلط اقدام نہ کر لے ،متن
ایف آئی آر کے مطابق 7مئی کو ہوٹل سے حارث کی لاش ملی ، جسم پرنشانات تھے، ملزمان نے قتل کر کے خودکشی کا رنگ دینے کی کوشش کی.
