دبئی: متحدہ عرب امارات کے اسکول بس ڈرائیور کی غفلت کے سبب اسکول کے بچے حادثے سے بال بال بچ گئے۔
عرب میڈیا کے مطابق اسکول کی چھٹی ہونے کے بعد بچے روڈ کراس کرنے لگے تو ڈرائیور نے سگنل بند ہونے کے باوجود اسکول بس دوڑا دی، جس کے سبب طلباء حادثے سے بال بال بچ گئے۔
بچوں کی والدین کی جانب سے ویڈیو سوشل میڈیا پر پوسٹ ہونے کے بعد دبئی پولیس حرکت میں آئی اور ڈرائیور کو حراست میں لے کر اس پر بھاری جرمانہ عائد کردیا۔
ویڈیو میں دیکھا جاسکتا ہے ایک اسکول بس سگنل بند ہونے کے سبب رکی ہوئی ہے اور بچے روڈ کراس کرہی رہے تھے کے اچانک سامنے سے آنے والی دوسری اسکول بس سگنل توڑ کر چلی جاتی ہے۔
#شرطة_أبوظبي توقف سائق حافلة مدرسية متهور كاد أن يدهس طفلاً أمام منزله pic.twitter.com/9icaSrrcHT
— شرطة أبوظبي (@ADPoliceHQ) June 1, 2018
بچوں کے والدین کی جانب سے الزام عائد کیا گیا ہے کہ اسکول بس ریس لگا رہی تھی جو کسی بھی بڑے حادثے کا سبب بن سکتا تھا۔
پولیس نے مذکورہ بس ڈرائیور کے خلاف دو کمپلین درج کرلی ہیں ایک تیز رفتاری سے بس چلانا اور دوسرا سگنل بند ہونے کے باوجود بس کو نہ روکنا، مذکورہ ڈرائیور کو ایک ہزار درہم جرمانہ عائد کیا گیا ہے اور ساتھ ہی دس بلیک پوائنٹس بھی دئیے گئے ہیں۔
