کراچی: سیکورٹیز اینڈ ایکس چینج کمیشن ( ایس ای سی پی ) نے انشورنس سیکٹر کی ریگولیشن کو مزید موثر بنانے کے پیش نظر جامع انشورنس رولز جاری کرنے کا فیصلہ کیا ہے، اس سلسلے میں انشورنس قوائد ۲۰۱۵ء کا مسودہ کو حتمی شکل دے دی گئی ہے۔
ترجمان کے مطابق بیمہ انڈسٹری کے شراکت داروں کی مشاورت اور منظوری کے مراحل گزرنے کے بعد، نئے انشورنس لاگو ہو جائیں گے۔
ایس ای سی پی کی جانب سے انشورنس سیکٹر میں اصلاحات کی سفارشات تجویز کرنے کے لئے قائم کی گئی کمیٹی نے انشورنس سیکٹر کے لئے رائج دو مختلف اقسام کے قوائدکی جگہ ایک ہی جامع قوائد نافذ کرنے کی سفارش کی تھی۔
- Advertisement -
ایس ای سی پی کی جانب سے توقع کا اظہار کیا گیا ہے کہ انشورنس سیکٹر کے قوائد کو مجتمع کرنے سے انشورنس کمپنیوں کے لئے آسانیاں پیدا ہوں گی ۔