راولپنڈی : صوبہ خیبر پختونخوا میں سیکیورٹی فورسز اور دہشت گردوں کے درمیان فائرنگ کے تبادلہ میں ایک دہشت گرد مارا گیا جبکہ ایک اہلکار جام شہادت نوش کرگیا۔
پاک فوج کے شعبہ تعلقات عامہ آئی ایس پی آر کے مطابق خیبرپختونخوا کے ضلع خیبر میں فورسز سے فائرنگ کے تبادلے میں ایک دہشت گرد مارا گیا جبکہ ایک سیکیورٹی اہلکار شہید ہوگیا۔
ہلاک دہشت گرد فورسز پر حملوں اور دہشت گردی کی مختلف وارداتوں اور بےگناہ شہریوں کے قتل میں ملوث رہا ہے۔
ترجمان پاک فوج کے مطابق شدید فائرنگ کے تبادلے میں صوابی کے رہائشی 36 سالہ حوالدار منتظر شاہ شہید ہوگئے۔
آئی ایس پی آر کا کہنا ہے کہ علاقے میں دہشتگردوں کیخلاف سیکیورٹی فورسز کا سرچ آپریشن جاری ہے۔
واضح رہے کہ گزشتہ روز بنوں میں فوجی قافلے کے قریب خودکش حملے میں 9 فوجی جوان شہید ہوگئے تھے۔
Comments
- Advertisement -
