راجستھان: امتحان میں پاک بھارت سرحد سے متعلق سوال پر بھارتی طالب علم کا مضحکہ خیز جواب سوشل میڈیا پر وائرل ہو گیا ہے۔
تفصیلات کے مطابق بھارتی ریاست راجستھان کے ضلع دھول پور کے ایک اسکول میں پولیٹیکل سائنس کے پرچے میں ہندوستان اور پاکستان کی سرحد سے متعلق ایک سوال کے جواب میں طالب علم نے نہایت ہی مضحکہ خیز جواب لکھا، جس کی تصویر نے انٹرنیٹ پر طوفان مچا دیا ہے۔
سوال تھا کہ پاکستان اور بھارت کے درمیان کون سی سیما (سرحد) ہے اور اس کی لمبائی کتنی ہے؟
طالب علم نے جواب میں لکھا کہ ’’پاکستان اور بھارت کے درمیان ’سیما‘ کا نام سیما حیدر ہے، جس کی لمبائی 5 فٹ 6 انچ ہے، اور دونوں ممالک کے بیچ اس کو لے کر لڑائی چل رہی ہے۔‘‘
Question – Bharat aur Pakistan ke bich kaun si seema hai, lambai batao?
Answer – Dono desho ke bich Seema Haider hai, uski lambai 5 ft 6 inch hai, dono desho ke bich isko lekar ladai hai. pic.twitter.com/25d5AvUlwl
— Narundar (@NarundarM) December 21, 2023
اس جواب نے انٹرنیٹ پر طوفان برپا کر دیا ہے اور صارفین کی جانب سے بھی مضحکہ خیز ردعمل کا ایک سلسلہ پیدا ہو گیا ہے، ایک صارف نے لکھا کہ یہ تو واٹس ایپ یونیورسٹی کا طالب علم لگتا ہے، دوسرے نے لکھا اس پر ایک اضافی نمبر ملنا چاہیے۔
یاد رہے کہ پاکستانی شہری سیما حیدر اس سال کے شروع میں اس وقت میڈیا کی سرخیوں میں آئی تھیں جب وہ اپنے محبوب سچن مینا کے ساتھ رہنے کے لیے 4 بچوں کے ساتھ نیپال کے راستے غیر قانونی طور پر بھارت میں داخل ہوئیں، دونوں کی شناسائی 2019 میں آن لائن گیم پب جی کھیلتے ہوئے ہوئی تھی۔
