The news is by your side.

Advertisement

یواے ای کا ‘گرین پاس’ سے متعلق اہم اعلان

دبئی: ابوظبی ہیلتھ سروسز کمپنی (صحۃ  ) کی سہولیات میں گرین پاس کا نفاذ غیر معینہ مدت کے لئے ملتوی کردیا گیا ہے۔

میڈیا رپورٹ کے مطابق صحۃ  کی جانب سے جاری بیان میں کہا گیا کہ مریض اور زائرین گرین پاس کے بغیر سہولیات سے مستفیذ اور عوامی مقامات میں داخل ہوسکتے ہیں۔

صحۃ ابوظبی امارات کی پبلک ہیلتھ فراہم کرنے والی ایپ ہے اور یہ متحدہ عرب امارات میں کووڈ نائنٹین سہولیات بھی چلاتی ہے، اس نظام کا مقصد لوگوں کو وبائی امراض کے دوران کووڈ نائنٹین ویکسین اور باقاعدہ پی سی آر کے زریعے محفوظ رکھنا ہے۔

دوسری جانب گرین پاس کے زریعے ابوظبی میں بہت سے دیگرعوامی جگہوں میں داخل ہونے کی ضرورت ہے، جن میں مالز ، جم، سینما، تفریح اور تفریحی مقامات ، ہوٹل ، سرکاری محکمے ، عجائب گھر، ثقافتی اسکول ، تھیم پارک اور بہت سے ریستوران اور کیفے شامل ہیں۔

یہ بھی پڑھیں: ابوظبی: صحۃ سہولیات پر آنے والے مریض اور تیماردار یہ کام ضرور کریں

گرین پاس کو برقرار رکھنے کے لئے افراد کو مکمل طور پر ویکسین کرانی چاہئے اور ہر ماہ منفی پی سی آر رپورٹ کروانی چاہئے، جن لوگوں کو ویکسین نہیں دی گئی ہے یا جن کے پاس ویکسی نیشن کے لئے طبی چھوٹ ہے ، انہیں ہر ہفتے پی سی آر کروانا چاہیے تاہم سولہ سال سے کم عمر بچوں کو گرین پاس کی ضرورت نہیں ہوتی۔

واضح رہے کہ گذشتہ روز ابوظہبی ہیلتھ سروسز کمپنی صحۃ نے اعلان کیا تھا کہ وہ مریض یا تیماردار جن کی عمر سولہ سال سے زائد ہیں انہیں صحت مراکز اور صحت سہولہات پر آنے کے لئے “الحصن” ایپلی کیشن پر گرین پاس کا حامل ہونا ضروری ہے۔

Comments

یہ بھی پڑھیں