The news is by your side.

Advertisement

سیمی فائنل: پاکستان ٹیم میں کوئی تبدیلی؟ اہم فیصلہ

پاکستان نے ایونٹ میں فتوحات سمیٹنے والی ٹیم کو ہی مضبوط حریف آسٹریلیا کے خلاف سیمی فائنل میں ‏اتارنے کا فیصلہ کیا ہے۔

ذرائع کے مطابق گرین شرٹس نے وننگ کمبینیشن کو برقرار رکھتے ہوئے ٹیم میں کوئی تبدیلی نہیں کی ہے اور ‏ٹیم انہی کھلاڑیوں پر مشتمل ہے جو ایونٹ کے آغاز سے پر ترتیب دی گئی تھی۔

کپتان نے کھلاڑیوں پر بھرپور اعتماد کا اظہار کرتے ہوئے اب تک کوئی تبدیلی نہیں کی اور اسی تسلسل کو سیمی ‏فائنل میں بھی برقرار رکھا ہے۔

میڈیکل پینل نے تفصیلی معائنے کے بعد شعیب ملک اور محمد رضوان کو مکمل فٹ قرار دیتے ہوئے انہیں آج کا ‏میچ کھیلنے کی اجازت دے دی ہے۔

بھارت کے خلاف فتح کے اہم کردار محمد رضوان اور نمیبیا کے خلاف ورلڈ ٹی ٹوئنٹی میں تیز ترین نصف سینچری ‏کا اعزاز پانے والے شعیب ملک کے مکمل فٹ ہونے کے بعد گرین شرٹس ٹورنامنٹ میں ناقابل شکست رہنے والے ‏اسکواڈ کے ساتھ میدان میں اترے گا۔

گذشتہ روز دونوں کھلاڑیوں نے فلو اور بخار کے باعث ٹریننگ سیشن میں حصہ نہیں لیا تھا، جس کے بعد چہ ‏مگوئیاں شروع ہوگئی تھی کہ شعیب ملک اور محمد رضوان کینگروز کے خلاف سیمی فائنل کا حصہ نہیں ہونگے ‏تاہم دونوں کھلاڑی آج مکمل طور پر فٹ تھے اور انہوں نے آج کے اہم ترین میچ کے لئے اپنی دستیابی کے لئے ‏ٹیم مینجمنٹ کو آگاہ کیا تھا۔

Comments

یہ بھی پڑھیں