یوں تو دنیا میں ایک سے بڑھ کر ایک ظلم و ستم کی داستانیں رقم ہوئیں، مگر 16غریب لڑکیوں کو زیادتی کے بعد قتل کرنے کے واقعہ نے لوگوں کے دل دہلا دیئے۔
پولیس نے 2009 میں میں بھارت کے شہر گوا میں ایک شخص مہانند نائیک کو اس لئے حراست میں لیا تھا کہ اس نے ایک خاتون کو انتہائی بے رحمی سے گلا دبانے کے بعد قتل کردیا تھا۔
ملزم کی گرفتاری سے قبل قتل ہونے والی متعدد لڑکیوں کے قتل کی کڑیاں بھی ملزم تک پہنچ رہی تھیں، ان جرائم کا اتکاب 1994 سے سنہ 2009 کے درمیان کیا گیا تھا۔
یہ معاملہ سامنے آنے کے بعد گوا میں سیر و تفریح کرنے کے لئے آنے والوں میں خوف و ہراس پھیل گیا تھا، ملزم مہانند نائیک غریب و لاچار لڑکیوں کو پہلے شادی کے لئے راضی کرتا تھا اس کے بعد زیادتی کرکے قتل کردیتا تھا۔
ملزم مہانند نائیک کا پہلا شکار اس کی بیوی کی بہن (سالی) بنی ہوئی، ملزم نے اپنی ہوس پوری کرنے کے بعد اسے انتہائی بے رحمی سے قتل کردیا تھا، تحقیقات میں پولیس کو ملزم پر شک ہوا، مگر ملزم مہانند نائیک انتہائی مہارت سے بچ نکلنے میں کامیاب ہوگیا۔
یہ جرم کامیابی سے انجام دینے کے بعد ملزم مہانند نائیک کو مزید حوصلہ مل گیا تھا، جس کے بعد اس نے مزید 15 لڑکیوں کو اپنی ہوس کا نشانہ بنانے کے بعد انتہائی بے رحمی سے قتل کردیا تھا۔
سیریل کلر مہانند نائیک غریب لڑکیوں سے شادی کا جھوٹا وعدہ کرکے ان سے زیادتی کرتا اور ان کے زیورات، موبائل اور رقم لوٹ لیا کرتا تھا۔ ملزم مہانند نائیک اپنا مطلب نکلنے کے بعد لڑکیوں کو سائینائیڈ نامی انتہائی مہلک زہر دے کر قتل کردیتا تھا۔
ملزم کی نگاہ ایسی لڑکیوں پر ہوتی تھی جو شادی کے لئے جہیز نہ لاسکتی ہوں، یا جنہیں رشتے نہ مل رہے ہوں، جیسے ہی مناسب وقت یا موقع ملتا تو ملزم اُن خواتین سے فائدہ اُٹھا کر انہیں موت کی نیند سلادیا کرتا تھا۔
ملزم لوٹے ہوئے زیورات اس بہانے سے فروخت کرتا تھا کہ اس کی بیوی بہت زیادہ بیمار ہے اور اسے علاج کے لئے رقم کی ضرورت ہے۔ملزم نے جن لڑکیوں کو اپنا نشانہ بنایا وہ مالی طور پر بہت کمزور تھیں اور کچے مکانوں میں ان کی رہائش تھی۔
شوہر نے بیوی کو اجتماعی زیادتی کے بعد قتل کروا دیا
گاؤں والوں کو جب اس بات کا علم ہوا کہ ملزم مہانند ان جرائم میں ملوث ہے تو انہوں نے مشتعل ہوکر اس کے گھر کو آگ لگادی، اس کے بعد مہانند کی بیوی گھر چھوڑ کر اپنی بیٹی کے ساتھ محفوظ مقام پر منتقل ہوگئی۔
ملزم مہانند کے خلاف اس کے علاوہ بھی دیگر کئی مقدمات عدالت میں زیر سماعت ہیں،بعض میں ملزم نے اپنے جرائم کا اعتراف کرلیا ہے، جبکہ کچھ کیسز کا فیصلہ ہونا ابھی باقی ہے۔
