کراچی: پاکستانی نژاد کینیڈین یوٹیوب اسٹار شام ادریس کی اہلیہ سحر عرف فروگی پر کراچی کے نجی شاپنگ مال میں ایک شہری نے حملہ کردیا۔
تفصیلات کے مطابق مزاحیہ ویڈیوز بنا کر لوگوں کو ہنسانے والے شام ادریس اور ان کی اہلیہ فروگی کو کراچی کے شہری نے رلادیا، دونوں ایک مال میں موجود تھے جہاں ان پر حملہ ہوا۔
پاکستانی نژاد کینیڈٰین یوٹیوب اسٹار شام ادریس کی اہلیہ فروگی پر کراچی کے مال میں حملے کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ جس میں شام ادریس اس شخص کے پیچھے بھاگ رہے ہیں جبکہ وہ اس دوران غصے میں یہ بھی کہتے ہوئے دکھائی دئیے ’لڑکی پر ہاتھ اٹھانے والے بے غیرت‘ انہوں نے مزید کہا کہ ’لڑکی کو مکا مارتا ہے۔‘
Karachi not coming slow#Shamidress #Ducky #shamidressvsducky pic.twitter.com/7imTL9qxQY
— Abdul Mateen (@mateenfarooq) May 5, 2019
فروگی نے ویڈیو پیغام میں بتایا کہ شاپنگ مال میں مداحوں سے ملنے گئی تو ایک لڑکا منہ پر مکا مار کر بھاگ گیا، فروگی نے الزام عائد کیا کہ حملہ یوٹیوبر سعد عرف ڈکی اور اس کے مداحوں نے کیا۔
فروگی نے مزید کہا کہ وہ اس واقعے کے بعد سے بہت خوف زدہ ہیں۔
واضح رہے کہ گزشتہ سال سے شام ادریس اور ڈکی کے درمیان ویڈیوز پر تنازع چل رہا ہے۔
دونوں یو ٹیوبر کے درمیان تنازع کی بات کی جائے تو سعد الرحمان جو ڈکی بھائی کے نام سے مشہور ہے ان سے شام ادریس کا تنازع اس وقت شروع ہوا جب ڈکی بھائی کی جانب سے شام ادریس کے خلاف ویڈیو شیئر کی تھی جس میں ان کا مذاق اڑایا گیا تھا۔
