پاکستان کے فلم اسٹار شان شاہد وزیر اعظم عمران خان کی حمایت میں کھل کر سامنے آگئے ہیں۔
سماجی رابطے کی ویب سائٹ ٹوئٹر پر اداکار شان شاہد نے اپنی تصویر کے ساتھ کیپشن میں وزیر اعظم عمران خان کو مخاطب کرتے ہوئے ان کے لیے پیغام لکھا۔
شان شاہد نے لکھا کہ عمران خان نے ہمیں بدعنوانوں کے خلاف آواز اٹھانے کے خوف سے نجات دلائی ہے، انہوں نے ہمیں ایک ایسی آواز دی جو کرپٹ لوگوں سے سوال کرتی ہے۔
اداکار نے مزید کہا کہ عمران خان نے ہمیں ماضی کی غلامی کی نیند سے بیدار کر دیا، عمران خان نے وہ امید ہیں جو ہم سب اپنے دلوں میں رکھتے ہیں، وہ (اپوزیشن) تم سے لڑتے ہیں لیکن یہ نہیں جانتے کہ ہم سب تم ہی ہیں۔
@ImranKhanPTI u freed us from the fear of raising our voices against the corrupt , u gave us a voice that questions the corrupt .u have awakened us from the slavish sleep of the past dynasties. U r the hope we all carry in our hearts.they fight you not knowing that we are all U. pic.twitter.com/IEFnPdF535
— Shaan Shahid (@mshaanshahid) March 20, 2022
گزشتہ سال شان شاہد نے پاکستانی فلم انڈسٹری کی بحالی اور فروغ کے لیے اقدامات پر وزیر اعظم عمران خان کا شکریہ ادا کیا تھا۔
شان شاہد نے ٹوئٹر پر وزیر اعظم کے لیے لکھا تھا کہ ہمیں ہمیشہ یقین تھا کہ یہ دن آئے گا جب ہم فخر، اقدار اور اپنی ثقافتی طاقت کو صحیح راستے پر واپس لانے کے لیے مل کر کام کریں گے۔
Dear PM @ImranKhanPTI thankyou for your initiative to promote and rebuild Pakistani film industry. We always believed this day will come when we work together to bring pride , values and our cultural power back on the right track . @AsimSBajwa thankyou for your support as well.🇵🇰
— Shaan Shahid (@mshaanshahid) September 18, 2020
خیال رہے کہ وزیر اعظم کی زیرِ صدارت ملکی تشخص، تہذیب اور ثقافت کو اجاگر کرنے کے حوالے سے اجلاس ہوا تھا جس میں فلم انڈسٹری کی بحالی اور فروغ کے لیے تمام ضروری اقدامات کرنے کی اصولی منظوری دی گئی تھی۔
