The news is by your side.

شاہین کی انجری، شاداب نے کیا کہا؟

کراچی: فاسٹ بولر شاہین آفریدی کی انجری پر قومی کھلاڑی بھی افسردہ ہوگئے۔

تفصیلات کے مطابق قومی ٹیم کے لیگ اسپنر شاداب خان نے کہا کہ شاہین آفریدی چھ ہفتوں کے لئے کرکٹ کے میدانوں سے باہر ہوگئے یہ ہمارے لئے بُری خبر ہے، وہ ایشیا کپ کے لئے ٹیم میں شامل نہیں ہونگے۔

شاداب خان نے کہا کہ شاہین ہمارے بہترین بولر ہیں اور اہم ترین ٹورنامنٹ میں ان کی کمی محسوس کی جائے گی۔

نیدرلینڈز کے خلاف تیسرے اور آخری میچ سے متعلق لیگ اسپنر نے کہا کہ ٹیم کی پالیسی کے مطابق کل کا میچ جارحانہ انداز میں کھیلیں گے۔

ٹی ٹوئنٹی کے نائب کپتان کا کہنا تھا کہ شاہین کی جگہ پرکون ٹیم میں شامل ہوگا؟ اس کا فیصلہ سلیکٹرز ہی کریں گے۔

یہ بھی پڑھیں: شاہین آفریدی ٹیم سے باہر ہونے پر افسردہ

ادھر ذرائع کا کہنا ہے کہ قومی ٹیم کے فاسٹ بالر شاہین شاہ آفریدی کی جگہ رائٹ آرم فاسٹ بالر حسن علی کو ٹیم میں شامل کیے جانے کا امکان ہے۔

حسن علی کو خراب کارکردگی کے باعث ایشیا کپ اور دورہ نیدر لینڈ کیلئے اعلان کردہ اسکواڈ سے ڈراپ کیا گیا تھا اور ان کی جگہ نسیم شاہ کو قومی ٹیم میں شامل کیا گیا۔

ایشیا کپ 2022 کا افتتاحی میچ 27 اگست کو سری لنکا اور افغانستان کے درمیان ہوگا اور 28 اگست کو پاکستان اور بھارت کی ٹیمیں دبئی میں مدمقابل ہوں گی۔

Comments

یہ بھی پڑھیں