The news is by your side.

’آپ کہیں تو اُلٹا لٹک کر ٹریننگ شروع کردیں‘

قومی ٹیم کے نائب کپتان شاداب خان  آج 24ویں سالگرہ منارہے ہیں انہیں ساتھی کرکٹرز اور مداحوں کی جانب سے جنم دن کی مبارک باد دی گئیں۔

نائب کپتان کو قومی ٹیم کے سابق کپتان سرفراز احمد، شاہین شاہ آفریدی، حسن علی، فخر زمان، محمد عامر ودیگر ساتھی کھلاڑیوں نے بھی مبارک باد دی۔

سماجی رابطے کی ویب سائٹ ٹویٹر پر بھی شاداب خان تیسرے نمبر پر ٹرینڈ کررہے تھے۔

انہوں نے ٹویٹر پر مداحوں کے ساتھ سوال و جواب کا سیشن بھی رکھا اور مختلف سوالات کے جوابات دیے۔ایک صارف نے ان پر طنز کرتے ہوئے لکھا کہ ’یہ ’شیڈی شوڈی‘ کے چکر چھوڑو اور ورلڈ کپ پر توجہ دو۔‘

اس پر شاداب نے کرارا جواب دیتے ہوئے کہا کہ ’ابھی نیوزی لینڈ میں آدھی رات ہے فزیو نے بولا ہے آرام کرو۔‘نائب کپتان نے مزید لکھا کہ ’اگر آپ کہتے ہیں کہ الُٹا لٹک کر ٹریننگ شروع کردیں؟‘

شاداب خان نے سالگرہ کی مبارک باد دینے پر مداحوں کا شکریہ ادا کرتے ہوئے کہا کہ مجھے افسوس ہے کہ میں سب کو جواب نہیں دے سکا اگر کچھ وقت ملے گا تو ہم جلد ہی دوبارہ سیشن رکھیں گے۔

Comments

یہ بھی پڑھیں