شاہ محمود قریشی کو جیل میں جمشید دستی سے نہیں ملنے دیا گیا -
The news is by your side.

Advertisement

شاہ محمود قریشی کو جیل میں جمشید دستی سے نہیں ملنے دیا گیا

ڈی جی خان : شاہ محمودقریشی کو جیل میں اسیر جمشید دستی سے ملاقات سے روک دیا گیا، تحریک انصاف کے مرکزی رہنما نے ساتھیوں کے ہمراہ سینٹرل جیل کےباہر دھرنا دے دیا۔

تفصیلات کے مطابق تحریک انصاف کے وائس چیئرمیں مخدوم شاہ محمود قریشی سینٹرل جیل میں قید عوامی راج پارٹی کے چیئرمین اور رکن قومی اسمبلی جمشید دستی سے عید ملنے کیلئے پہنچے تو جیل انتظامیہ نے انہیں ملاقات کرنے سے روک دیا۔

اس موقع پر ان کے ہمراہ کارکنان کی بڑی تعداد بھی موجود تھی، شاہ محمود قریشی نے جیل انتظامیہ کے نامناسب رویے کیخلاف جیل کے باہردھرنا دیدیا۔

کارکنان نے حکومت کیخلاف شدید نعرے بازی کی، اس موقع پر خطاب کرتے ہوئے شاہ محمود قریشی نے کہا کہ میں  ہرصورت جمشید دستی سے مل کرجاؤں گا، ریاستی ہتھکنڈوں سےمظلوموں کی آوازدبائی نہیں جاسکتی۔ آخری اطلاعات تک دھرنا جاری تھا۔


مزید پڑھیں : رکن قومی اسمبلی جمشید دستی گرفتار


واضح رہے کہ جمشید دستی کو گزشتہ دنوں ہیڈ کالو پر واقع ڈنگا کینال کو زبردستی کھولنے پرمقدمہ درج کرکے  گرفتارکیا گیا۔

بعد ازاں عید الفطر سے ایک روز قبل ضمانت پر رہائی کے حکم کے باوجود چند نامعلوم مقدمات میں جیل کے گیٹ سے دوبارہ گرفتار کر لیا گیا تھا۔

یاد رہے کہ جمشید دستی مظفر گڑھ کے حلقہ این اے 178 سے گزشتہ دو انتخابات سے کامیاب ہوتے آرہے ہیں ، انہوں نے 2010 میں بی اے کی جعلی ڈگری کا الزام لگنے پر قومی اسمبلی سے استعفیٰ دے دیا تھا۔

Comments

comments

یہ بھی پڑھیں