اسلام آباد : نائب چیئرمین پی ٹی آئی شاہ محمود قریشی کا کارکنوں کو کہنا ہے کہ ہم کچھ بھی ہو نہیں روکیں گے جب تک عمران خان کی رہائی نہ ہو جائے۔
تفصیلات کے مطابق نائب چیئرمین پی ٹی آئی شاہ محمودقریشی کی جانب سے کارکنوں کیلئے ہدایات جاری کردی گئیں۔
شاہ محمود قریشی نے کہا ہے کہ گرفتاریاں اور دھمکیاں ہمیں پرامن احتجاج سے نہیں روک سکتیں، پی ٹی آئی کارکنان کے پرامن احتجاج کو متحرک کرتے رہیں گے۔
نائب چیئرمین پی ٹی آئی کا کہنا تھا کہ سینئرقیادت عمران خان کی خیریت،عالمی میڈیا کوشامل کرنےکیلئےکام کر رہی ہے، کارکنوں، حامیوں ، پاکستانیوں کو ہدایت ہے احتجاجی جگہوں پرپہنچ جائیں۔
انھوں نے کہا کہ یہ فہرست بڑھتی رہے گی ،پی ٹی آئی آفیشل کے ذریعے اپ ڈیٹ کیا جائے گا، عمران خان کی رہائی اور قانون کی حکمرانی تک پرامن جدوجہد کرتے رہیں گے۔
بعد ازاں شاہ محمودقریشی نے اپنے ٹوئٹ میں لکھا سینئرقیادت اسلام آباد میں موجود ہے، چیئرمین کو بچانے کیلئے کام کر رہے ہیں، ضلعی، سٹی صدورپرامن احتجاج کومتحرک کرتے رہیں گے۔
انھوں نے مزید کہا کہ ہم کچھ بھی ہو نہیں روکیں گے، اس وقت تک پرامن طریقے سے لڑتے رہیں گے جب تک عمران خان کی رہائی نہ ہو جائے۔
