بالی ووڈ کے بادشاہ شاہ رخ خان کو مداحوں نے گیم چینجر قرار دے دیا، کنگ خان کا نام 50 نامور اداکاروں کی فہرست میں شامل کرلیا گیا ہے۔
کنگ خان کا نام ایمپائر میگزین کی فہرست میں شامل کیا گیا ہے جبکہ دیگر اداکاروں میں ہالی ووڈ کے ٹام ہینکس، ٹام کروز، رابرٹ ڈی نیرو، نٹالی پورٹ مین، ہیتھ لیجر، لیونارڈو ڈی کیپریو بھی شامل ہیں۔
میگزین کی جانب سے یہ معلومات سوشل میڈیا پر شیئر کی گئی جبکہ اداکاروں کی فہرست فروری کے شمارے میں شائع کی جائے گی۔
رپورٹ میں بتایا گیا ہے کہ فہرست قارئین کے ووٹنگ پر تیار کی گئی جس میں شوبز پرستاروں سے کہا گیا تھا کہ وہ ایسے اسٹارز کو ووٹ دیں جو اداکاری میں گیم چینجر رہے اور جن کی صلاحیتیں بالکل مختلف ہیں۔‘
View this post on Instagram
واضح رہے کہ شاہ رخ خان بھارت کے وہ واحد اداکار ہیں جن کا نام اس میں شامل کیا گیا ہے۔
یہ پڑھیں: مودی سرکار کو ’پٹھان‘ کے بائیکاٹ کا مطالبہ مہنگا پڑ گیا
ہالی ووڈ کے دیگر اسٹارز میں ڈینزیل واشنگٹن، مارلن منرو، ہیتھ لیجر، سیموئل ایل جیکسن، نکولس کیج، کیٹ بلانشیٹ، مارلون برانڈو، مارلن ٹول، کرسچن بیل، جولیان مور، یوکن فینکس، مورگن فری مین، انتھونی ہاپکنز، جولیان مور، چارلیز تھیرون، پینیلوپ کروز، سیموئل ایل جیکسن، وائلا ڈیوس بھی شامل ہیں۔
واضح رہے کہ شاہ رخ خان کی فلموں دیوداس، مائی نیم از خان، سوادیس، اور کچھ کچھ ہوتا ہے شاندار اداکاری کی تھی جس پر انہیں ایوارڈز بھی دیے گئے تھے۔
یہ پڑھیں: ’پٹھان‘ 25 جنوری کو ریلیز ہوگی، تم شادی 26 کو کرلو‘
کنگ خان کی فلم ’پٹھان‘ 25 جنوری 2023 کو سنیما گھروں کی زینت بنے گی لیکن فلم ریلیز سے قبل ہی تنازعات میں گھر گئی ہے تاہم فلمی ناقدین کی جانب سے فلم کو مثبت ریویوز ملے ہیں۔
