لگژری گھڑیوں کے شوقین بالی ووڈ اسٹار شاہ رخ خان اکثر اپنی قیمتی و منفرد انداز کی وجہ سے کسی بھی تقریب کی توجہ سمیٹ لیتے ہیں۔
شاہ رخ خان کی مہنگی گھڑی کے شوق سے ان کے سارے فینز ہی واقف ہیں، اداکار کے پاس مہنگی ترین گھڑیوں کی کلیکشن ہے حاک ہی میں آئی آئی ایف اے کانفرنس میں اداکار کی گھڑی توجہ کا مرکز بن گئی۔
بھارتی میڈیا کے مطابق بالی وڈ کنگ شاہ رخ خان نے بھارتی شہر ممبئی میں انٹرنیشنل انڈین فلم اکیڈمی ایوارڈز (آئی آئی ایف اے) کی پریس کانفرنس میں دیگر شخصیات کے ہمراہ شرکت کی۔
شاہ رخ خان اس ایونٹ میں سب کی توجہ کا مرکز بنے رہے اور اس دوران ان کی کلائی پر موجود 18 قیراط سونے سے بنی گھڑی نے سب کی توجہ سمیٹ لی۔
View this post on Instagram
بھارتی میڈیا کے مطابق اس پریس کانفرنس میں اداکار کے ہاتھ میں جو معمولی گھڑی نظر آرہی ہے وہ سوئٹزرلینڈ کے سب سے مہنگے برانڈ آڈیمارس کی گھڑی ہے۔
بھارتی میڈیا کی رپورٹ میں کہا گیا کہ اس لگژری گھڑی کی قیمت ہزاروں نہیں بلکہ پاکستانی روپوں میں کروڑوں روپے بنتی ہے، اس گھڑی کی قیمت 76 لاکھ 84 ہزار 825 بھارتی روپے ہے جو کہ پاکستانی روپوں میں 2 کروڑ 48 لاکھ سے زائد بنتی ہے۔
View this post on Instagram
رپورٹس میں کہا گیا ہے ک اس کے علاوہ بھارت کیلئے شپمنٹ چارجز 13 ہزار بھارتی روپوں سے زائد ہیں، یہ گھڑی انتہائی قیمتی ہے جسے 18 قیراط سونے سے بنائی گئی ہے جبکہ دنیا بھر میں صرف 250 ایسی گھڑیاں ہیں جن میں سے ایک شاہ رخ خان کے پاس ہے۔
