لاہور : تحریک انصاف کے رہنما ڈاکٹر شہباز گل نے انکشاف کیا ہے کہ مفتاح اسماعیل کی جگہ مشہورزمانہ اسحاق ڈار تشریف لارہے ہیں۔
تفصیلات کے مطابق تحریک انصاف کے رہنما ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا کہ معیشت ڈبونے کے برے فیصلے کرانے کے بعد اب مفتاح کو فارغ کیا جا رہا ہے، مفتاح اسماعیل کی جگہ مشہورزمانہ اسحاق ڈارتشریف لارہے ہیں۔
،شہبازگل کا کہنا تھا کہ انہوں نے پچھلی باری33ارب ڈالرضائع کیےتھے، ڈالرریٹ جعلی طریقے سےکنٹرول کرنےکےلئے33ارب ڈالرضائع کئےگئے، یہ سکریٹری کا حصہ ہے مکمل تباہی۔
مہنگائی اور ملکی معشیت کو ڈبونے کے تمام برے فیصلے کروانے کے بعد اب مفتاع اسماعیل کو فارغ کیا جا رہا ہے اور ان کی جگہ مشہور زمانہ اسحاق ڈار تشریف آ رہے ہیں۔ جنہوں نے پچھلی باری 33 ارب ڈالر ضائع کیے تھے ڈالر ریٹ کو جعلی طریقے سے کنٹرول کرنے کے لئے۔ یہ سکریٹری کا حصہ ہے مکمل تباہی
— Dr. Shahbaz GiLL (@SHABAZGIL) June 24, 2022
یاد رہے سابق وزیر خزانہ شوکت ترین نے کہا تھا کہ اسحٰق ڈار نے پاکستان کو5 سال میں 33 ارب ڈالر کا نقصان پہنچایا،ڈر لگتا ہے کہ ملک کے حالات سری لنکا جیسے نہ ہوجائیں، ابھی بھی وقت ہے کہیں دیر نہ ہوجائے فوری الیکشن کرائیں، حالات کا تقاضہ ہے کہ عوام کو طےکرنے دیا جائے کہ ملک کے فیصلے کون کرے گا۔
خیال رہے بحران پر قابو پانے میں ناکامی پر لندن قیادت نے معاشی ٹیم کی تبدیلی کےلیے گرین سگنل دیتے ہوئے کہا تھا کہ معاشی ٹیم میں تبدیلی ناگزیر ہے تو کردی جائے۔
