قومی ٹیم کے اسٹار فاسٹ بولر شاہین شاہ آفریدی کا ناٹنگھم شائر کاؤنٹی سے معاہدہ طے پاگیا۔
قومی ٹیم کے نوجوان فاسٹ بولر شاہین شاہ آفریدی رواں سال 20 مئی سے شروع ہونے والے ٹی 20 بلاسٹ میں ناٹنگھم شائر کی جانب سے ایکشن میں دکھائی دیں گے۔
شاہین آفریدی کے علاوہ نیوزی لینڈ کے ٹاپ آرڈر بیٹر کولن منرو بھی بطور غیرملکی کرکٹر ناٹنگھم شائر کی نمائندگی کریں گے۔
BREAKING | 🇵🇰 speedster @iShaheenAfridi signs for the 2023 @VitalityBlast.
Full details ▶️ https://t.co/EptegVwJ2q#TheEagleHasLanded pic.twitter.com/0O8OtRynQP
— Nottinghamshire CCC (@TrentBridge) March 30, 2023
ناٹنگھم کے ہیڈ کوچ پیٹر مورز کا کہنا ہے کہ شاہین آفریدی ہمیں ایک بہترین کھلاڑی ملا ہے، وہ ایک باکس آفس پلیئر ہے جو ہماری ٹیم کی کارکردگی میں اہم کردار ادا کرے گا۔
واضح رہے کہ حال ہی میں لاہور قلندرز نے شاہین آفریدی کی قیادت میں لگاتار دوسری مرتبہ پی ایس ایل کا ٹائٹل جیتا ہے اور انہیں پی ایس ایل ٹیم آف دی ٹورنامنٹ کا بھی کپتان مقرر کیا گیا تھا۔
یاد رہے کہ دی ہنڈریڈ لیگ میں قومی ٹیم کے فاسٹ بولر شاہین آفریدی سب سے مہنگے کھلاڑی رہے ویلش فائر نے شاہین آفریدی کو ایک لاکھ پاؤنڈ میں پک کیا جبکہ لیگ کا آغاز یکم اگست سے ہوگا۔