ٹی 20 ورلڈ کپ کے فائنل میں زخمی ہونے کے بعد دو ماہ سے زائد وقت سے کرکٹ سے دور قومی فاسٹ بولر شاہین شاہ آفریدی ٹیم میں کم بیک اور دوبارہ ایکشن کے لیے بے تاب ہیں۔
اے آر وائی نیوز کے مطابق ٹی 20 ورلڈ کپ کے فائنل میں زخمی ہونے کے بعد دو ماہ سے زائد وقت سے کرکٹ سے دور پاکستان کے اسٹار فاسٹ بولر شاہین شاہ آفریدی اب ٹیم میں کم بیک کرنے اور دوبارہ ایکشن میں نظر آنے کے لیے بے تاب ہیں جس کے لیے انہوں نے جم میں بھرپور ٹریننگ بھی شروع کردی ہے۔
قومی پیسر نے جم میں سخت ٹریننگ کی ویڈیو بھی سوشل میڈیا پر شیئر کردی ہے۔ انسٹا گرام پر شیئر کی گئی ویڈیو میں وہ جم میں مختلف ایکسرسائز کرتے نظر آ رہے ہیں جب کہ ساتھ ہی لکھا ہے کہ وقت قریب ہے۔ دوبارہ میدان میں بولنگ کرنے کا انتظار اب مزید نہیں کرسکتا۔
فاسٹ بولر کی ویڈیو کو مداح بہت پسند کر رہے ہیں اور ان کیلیے نیک تمناؤں کا اظہار بھی کر رہے ہیں۔
واضح رہے کہ شاہین شاہ آفریدی آئندہ ماہ پی ایس ایل کے نئے سیزن سے قبل اپنی نئی زندگی کی شروعات بھی کرنے جا رہے ہیں۔
یہ بھی بتائیں: شاہین شاہ آفریدی اپنی شادی میں کس کس کو بلائیں گے؟ پیسر نے بتا دیا
پیسر کا نکاح 3 فروری کو سابق کپتان بوم بوم آفریدی کی صاحبزادی انشا شاہد سے کراچی میں ہوگا۔ اس کے لیے دونوں خاندانوں کی جانب سے بھرپور تیاریاں جاری ہیں۔
