قومی ٹیم کے سابق کپتان شاہد خان آفریدی نے معنی خیز پیغام شیئر کردیا۔
فوٹو اور ویڈیو شیئرنگ ایپ انسٹاگرام پر سابق کپتان شاہد آفریدی نے سحری کے وقت کی تصویر شیئر کی جس میں انہیں بیٹی کے ساتھ گھر کے لان میں بیٹھے دیکھا جاسکتا ہے۔
شاہد آفریدی نے پوسٹ کے کیپشن میں لکھا کہ ’امن کے بغیر گھر دنیا کی سب سے بڑی جیل ہے۔‘
انہوں نے گزشتہ رات یہ تصویر شیئر کی جسے لاکھوں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔
View this post on Instagram
واضح رہے کہ گزشتہ روز قومی ٹیم کے سابق کپتان شاہد آفریدی نے بابر اعظم کی کپتانی سے متعلق نجم سیٹھی کے ٹوئٹ پر جواب دیتے ہوئے کہا تھا کہ نجم سیٹھی میرا نام لیں گے تو ردعمل دوں گا۔
شاہد آفریدی کا کہنا تھا کہ کپتان بنانا یا ہٹانا چیئرمین کا اختیار ہے سلیکشن کمیشن کا نہیں۔
یاد رہے کہ نجم سیٹھی کا کہنا تھا کہ شاہد آفریدی اور ہارون رشید نے قیادت میں تبدیلی کیا مشورہ دیا تھا تاہم بعد میں سلیکٹرز نے بابر کو ہی کپتان برقرار رکھنے کا کہا تھا۔