شارجہ: شارجہ کے ولی عہد اور حکمران نے حورفقان کے علاقے سے تعلق رکھنے والی کمسن بچی کی خواہش پوری کردی۔
گلف نیوز کی رپورٹ کے مطابق انٹرنیٹ پر ریان الخوری نامی اماراتی لڑکی کی ویڈیو وائرل ہوئی جس اُس نے شارجہ کے حکمران ڈاکٹر شیخ سلطان بن محمد القاسمی سے ملاقات کی خواہش کا اظہار کیا تھا۔
ریان الخوری نے اپنی ویڈیو میں کہا تھا کہ وہ نہیں جانتی کہ کس طرح ڈاکٹر شیخ سلطان بن محمد القاسمی سے ملاقات کرسکے گی۔ بچی نے انٹرنیٹ صارفین سے اپیل کی تھی کہ وہ اس ویڈیو کو شیخ سلطان تک پہنچا دیں۔
شارجہ کے حکمران نے انٹرنیٹ پر وائرل ہونے والی ویڈیو میں نظر آنے والی بچی کو جمعرات کے روز شاہی محل بلایا اور اُس کی ملاقات کی خواہش پوری کردی۔
A little Emirati girl called Rayan from #Khorfakkan (a small town) wanted to meet HH Dr Sheikh Sultan Al Qassemi…her video went viral…today her wish came true and Sheikh Sultan met her 💙 pic.twitter.com/5NSkkZ47JA
— حسن سجواني 🇦🇪 Hassan Sajwani (@HSajwanization) December 17, 2020
وائرل ہونے والی ویڈیو میں حورفقان سے تعلق رکھنے والی ننھی رایان الخوری نے شارجہ شہر کو بہترین شہر بنانے پر شیخ سلطان کا شکریہ ادا کیا تھا۔ ویڈیو میں رایان کا کہنا تھا کہ کاش شیخ سلطان میری ویڈیو دیکھیں کیونکہ میں خود اُن تک نہیں پہنچ سکتی۔
شارجہ کے حکمران کے ٹویٹر اکاؤنٹ پر ریان کے ساتھ ملاقات کی تصاویر شیئر کی گئیں ہیں جس میں وہ ڈاکٹر شیخ سلطان کے ساتھ ایک میز پر بیٹھی ہوئی گفتگو کررہی ہے۔
