The news is by your side.

Advertisement

سیاحت کے فروغ کے لیےغیرمعمولی اقدامات ناگزیرہوچکے ہیں، شوکت یوسفزئی

پشاور: صوبائی وزیر اطلاعات شوکت یوسفزئی کا کہنا ہے کہ پاکستان خصوصاً خیبرپختونخوامیں سیاحت کے بہترین مقامات ہیں۔

تفصیلات کے مطابق اے آروائی نیوز کے پروگرام باخبرسویرا میں وزیراطلاعات خیبرپختونخواہ شوکت یوسفزئی نے کہا کہ سوات جلدی پہنچنے کے لیے ہیلی کاپٹر سروس شروع کرنے پرغورہے، جیسے ہی معاہدہ مکمل ہوا ہیلی کاپٹرسروس شروع کردیں گے۔

انہوں نے کہا کہ ہیلی کاپٹر سروس سے اسلام آباد سے 2 گھنٹے میں سوات پہنچا جاسکے گا، لاہورسے بھی سیاح ڈھائی گھنٹے میں سوات پہنچ سکیں گے۔

شوکت یوسفزئی نے کہا کہ اگرسروس کامیاب ہوئی تومزید کمپنیوں سے بھی بات کریں گے، حکومت کی پوری کوشش ہے کم سے کم نرخ پر ہیلی کاپٹرسروس ملے۔

صوبائی وزیر اطلاعات نے کہا کہ پاکستان میں سیاحت کے فروغ کے لیے ایسےاقدامات ناگزیرہیں، پاکستان خصوصاً خیبرپختونخوا میں سیاحت کے بہترین مقامات ہیں۔

انہوں نے کہا کہ ہیلی کاپٹرسروس سے متعلق معاہدہ ابتدائی مراحل میں ہے، پوری کوشش ہوگی بیرون ملک جیسی سہولتیں فراہم کی جائیں، سیاحت کے فروغ اورسیاحوں کوسہولتوں کے لیے اقدامات کررہے ہیں۔

شوکت یوسفزئی نے کہا کہ کرائے کا تعین نجی کمپنی پرہوگا، کوشش ہوگی کرایہ کم سے کم ہو، معاہدے میں سروس کے حوالے سے تمام باتیں طے ہوں گی۔

Comments

comments

یہ بھی پڑھیں