کراچی: معروف گلوکار شہزاد رائے کو ایک خاتون نے شادی کی پیشکش کرتے ہوئے کہا کہ وہ انہیں روز اپنے خون سے گرین ٹی بنا کر دیا کریں گی۔
گلوکار شہزاد رائے، جو ملک میں تعلیم، حفظان صحت اور دیگر سماجی مسائل کو حل کرنے میں پیش پیش دکھائی دیتے ہیں، بڑی تعداد میں سوشل میڈیا صارفین ان سے متاثر بھی ہیں اور اب ایک مداح کی جانب سے انہیں شادی کی پیشکش بھی کردی گئی۔
تفصیلات کے مطابق گزشتہ روز شہزاد رائے نے سماجی رابطے کی ویب سائٹ ٹویٹر پر صحت کا خیال رکھنے سے متعلق ایک پوسٹ شیئر کی تھی۔ شہزاد رائے نے اپنی پوسٹ میں گرین ٹی جبکہ دوسری تصویر میں مٹھائی کے ڈبے کی تصویر شیئر کی تھی۔
گلوکار نے اپنی ٹویٹ میں لکھا کہ گرین ٹی کو مٹھائی پر ترجیح دینی چاہیئے کیونکہ زندگی میں جو تھوڑی خوشی مل سکتی تھی وہ بھی نہ ملے۔
One must always prefer green tea over mithaee, kyoonkay zindagi mein jo thori khushi mil sakti thi, wo bhi na milay pic.twitter.com/iy7qDu5wGw
— Shehzad Roy (@ShehzadRoy) July 31, 2021
ان کی اس ٹویٹ پر ایک خاتون مداح نے شہزاد رائے کو گرین ٹی بنا کر دینے کے لیے شادی کی پیشکش کردی جو دیکھتے ہی دیکھتے وائرل ہوگئی۔
ثنا خان نامی صارف نے شہزاد رائے کو شادی کی پیشکش کرتے ہوئے لکھا کہ مجھ سے شادی کرلیں، میں روز آپ کو اپنے خون سے گرین ٹی بنا کر دوں گی۔
i will make you green tea every day with my blood please marry me
— Sana Khan (@sanaistired) July 31, 2021
شہزاد رائے نے ثنا خان کی ٹویٹ کا جواب دیا اور لکھا کہ برائے مہربانی ایسی باتیں نہ کریں، لوگ مجھے ویمپائر کہنے لگیں گے۔ شہزاد رائے کے جواب پر خاتون مداح نے لکھا کہ اب جواب دے دیا ہے تو شادی بھی کر لیتے ہیں۔
Please don’t say such things otherwise people will start calling me vampire 🙏 https://t.co/4FQHc6OewA
— Shehzad Roy (@ShehzadRoy) July 31, 2021
ab reply dediya hai tou shaadi bhi karlete hain🥺🥺🥺🥺🥺🥺
— Sana Khan (@sanaistired) July 31, 2021
شہزاد رائے کو اکثر و بیشتر ایسی دلچسپ صورتحال کا سامنا کرنا پڑتا ہے، ان کی اکثر سنجیدہ قسم کی پوسٹس بھی صارفین کے مختلف جوابات کی نذر ہوجاتی ہے۔
