اسلام آباد: شيخ الازہر الشيخ احمد الطيب نے پاكستان میں بم دھماکے كى شديد مذمت کی ہے۔
تفصیلات کے مطابق شیخ الازہر الشیخ احمدالطیب نے ایک بیان میں کہا ہے کہ مجلس حکما المسلمین پاکستان میں ہونے والی دہشت گردی کی مذمت کرتی ہے۔
شیخ الازہر نے کہا کہ دہشت گردی تمام مذاہب كى تعليمات اور آسمانى كتب اور شريعت كے احكامات كے منافى عمل ہے، دہشت گردى كے خلاف عالمى سطح پر متحد ہو كر جدوجہد كى جائے۔
الشیخ احمد الطیب نے اپنے پیغام میں شہدا كے خاندانوں سے اظہار تعزيت کیا، اور زخميوں كى صحت یابى كى دعا کی۔
اقوام متحدہ کی پاکستان میں خود کش دھماکے کی مذمت، ذمہ داروں کو کٹہرے میں لانے کا مطالبہ
ادھر اقوام متحدہ کے سیکریٹری جنرل اور صدر نے بھی پاکستان میں خود کش دھماکے کی مذمت کرتے ہوئے ذمہ داروں کو کٹہرے میں لانے کا مطالبہ کیا ہے۔ انھوں نے کہا ہم دہشت گردی کے واقعات اور شہریوں کے خلاف جان بوجھ کر ٹارگٹ حملوں کی مذمت کرتے ہیں، دہشت گردی کا مقابلہ کرنے کے لیے پاکستان کی حکومت اور عوام کے ساتھ کھڑے ہیں۔
