شیخ رشید احمد کی درخواست ضمانت اسلام آباد ہائی کورٹ میں دائر کردی گئی ، جس میں کہا گیا ہے کہ مچلکے جمع کروانے پر تیار ہوں ضمانت منظور کی جائے۔
تفصیلات کے مطابق اسلام آباد ہائی کورٹ میں عوامی مسلم لیگ کے سربراہ شیخ رشید احمد کی درخواست ضمانت دائر کردی گئی۔
وکیل سردار عبدالرازق کےذریعے درخواست دائر کی، درخواست میں مؤقف اختیار کیا گیا کہ سیاسی انتقام کا نشانہ بنانے کیلئے مقدمات درج کئے جا رہےہیں ،آصف زردای کیخلاف بیان پرمیرے خلاف مقدمہ درج کیا گیا۔
آصف زرداری نےکوئی شکایت نہیں کی، تیسرے فریق کی شکایت پرمقدمہ بنا، جیل میں ہوں اب مزید کسی تفتیش کیلئے پولیس کو میری ضرورت نہیں۔
درخواست میں استدعا کی گئی کہ مچلکے جمع کروانے پر تیار ہوں ضمانت منظور منظور کی جائے۔
عوامی مسلم لیگ کے سربراہ شیخ رشید کی درخواست ضمانت پرپیرکےدن سماعت ہوگی ، وہ اس وقت اڈیالہ جیل میں قید ہیں۔
