اسلام آباد : عوامی مسلم لیگ کے سربراہ شیخ رشید کا کہنا ہے کہ مجھے کہہ رہے ہیں عمران کا ساتھ چھوڑو، جان دے دوں گا ہمدردی تبدیل نہیں کروں گا۔
تفصیلات کے مطابق عوامی مسلم لیگ کے سربراہ شیخ رشید نے میڈیا سے کمرہ عدالت میں غیر رسمی گفتگو کرتے ہوئے کہا کہ آج تک کسی نے مجھے سے موجودہ مقدموں کی تفتیش نہیں کی، مجھ سے ہمیشہ سیاسی بات کی جاتی ہے۔
شیخ رشید کا کہنا تھا کہ یہ عمران خان کو نااہل کرانے کا فیصلہ کر چکے ہیں ، باہر سے تین لوگ جیل میں مجھ ملنے آئے، جب کوئی ملنے آتا ہے تو آنکھوں پر پٹی ،ہاتھ باندھ دئیے جاتے ہیں۔
سربراہ عوامی مسلم لیگ نے بتایا کہ یہ پی ٹی آئی کے اندر سے ایک اور پارٹی بنانا چاہتے ہیں ، مجھے بھی وہ یہی کہہ رہے ہیں عمران کا ساتھ چھوڑو، یہ عمران خان کو کسی صورت نہیں آنے دیں گے۔
انھوں نے کہا کہ کیس کے بارے تفتیش نہیں ہورہی ، تفتیش ہورہی ہے کہ میں ہمدردیاں تبدیل کروں، جان دے دوں گا ہمدردی تبدیل نہیں کروں گا۔
