راولپنڈی : سابق وزیر داخلہ شیخ رشید کا کہنا ہے کہ مداخلت سافٹ ہو یا ہارڈ، اکتوبر، نومبر میں الیکشن ہوں گے۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے پیغام میں کہا کہ تمام غیر متعلقہ افراد فل کورٹ کا مطالبہ کررہے ہیں، معاملہ ڈپٹی اسپیکر اور سپریم کورٹ کا ہے، سپریم کورٹ ڈپٹی اسپیکرسے پوچھ رہی ہے، ان کے کس حوالے کے تحت فیصلہ دیا لیکن ڈپٹی اسپیکر لاپتہ ہیں۔
شیخ رشید کا کہنا تھا کہ مداخلت سافٹ ہویاہارڈ،اکتوبر،نومبر میں الیکشن ہوں گے جو آخری حل ہے، قوم الیکشن کی تیاری کرے۔
تمام غیر متعلقہ افراد فل کورٹ کا مطالبہ کررہے ہیں۔معاملہ ڈپٹی سپیکر اور سپریم کورٹ کا ہے۔سپریم کورٹ ڈپٹی سپیکر سے پوچھ رہی ہے کہ ہمارے کس حوالے کے تحت فیصلہ دیا اور ڈپٹی سپیکر لاپتہ ہیں۔ مداخلت سافٹ ہو یا ہارڈ اکتوبر،نومبر میں الیکشن ہوں گے جو آخری حل ہے ورنہ سب گھر جائیں گے۔
— Sheikh Rashid Ahmed (@ShkhRasheed) July 25, 2022
سابق وزیر داخلہ نے کہا کہ درجن صوبائی وزراء کا حلف انصاف اور جمہوریت کے منہ پرطمانچہ ہے، پاکستان کی آخری امید سپریم کورٹ دباو میں ہے، 30اگست تک فیصلے نہ کیے تو جھاڑو پھر جائے گا۔
ان کا کہنا تھا کہ 10کروڑ لوگ بھوک اور مہنگائی کی لپیٹ میں ہیں اور آصف زرداری سالگرہ منانے دبئی جارہے ہیں، اب سیاست نہیں ریاست کو بچانا ہوگا۔
5درجن صوبائی وزراء کا حلف انصاف اور جمہوریت کے منہ پہ تمانچہ ہے۔پاکستان کی آخری امید سپریم کورٹ دباو میں ہے۔30اگست تک فیصلے نہ کیے تو جھاڑو پھر جائے گا۔10کروڑ لوگ بھوک اور مہنگائی کی لپیٹ میں ہیں اور آصف زرداری سالگرہ منانے دبئی جارہے ہیں۔اب سیاست نہیں ریاست کو بچانا ہوگا
— Sheikh Rashid Ahmed (@ShkhRasheed) July 25, 2022
