عوامی مسلم لیگ کے سربراہ شیخ رشید احمد نے کہا ہے کہ اللہ جانے کون مائنس ہونے جا رہا ہے اور کون پلس فیصلہ اسی ہفتے ہو جائے گا۔
اے آر وائی نیوز کے مطابق عوامی مسلم لیگ کے سربراہ اور سابق وزیر داخلہ شیخ رشید نے سماجی رابطوں کی ویب سائٹ ٹوئٹر پر ملک کی موجودہ صورتحال پر اظہار خیال کیا ہے۔
شیخ رشید نے کہا کہ موجودہ حکومت لوگوں کی نظر میں قابل نفرت ہو چکی ہے۔ جو بھی ان کا ساتھ دے گا وہ ڈوب جائے گا شجر اور حجر بھی ان کا رونا رو رہے ہیں۔ یہ اللہ کو معلوم ہے کہ کون مائنس کون پلس ہونے جا رہا ہے تاہم اب یہ ہوکر رہے گا فیصلہ اسی ہفتے می ہو جائے گا یا زیادہ سے زیادہ اگلے ہفتے، جون میں چت یا پٹ ہوجائے گا۔
اللہ کو معلوم ہے کہ مائنس کون ہونے جارہا ہے اور پلس کون ہوگا لیکن اب یہ ہو کر رہے گا فیصلہ اسی ہفتےمیں ہوجائے یااگلا ہفتہ لے لےجون میں چت یاپٹ ہوکررہےگاعدلیہ جیتے گی بیشک آڈیو لیک تحقیقات کمیشن چیف جسٹس کےمشورے کے بغیر کیوں نہ بنالیں آئینی قانونی فیصلہ چیف جسٹس کیطرف سےآکر رہےگا
— Sheikh Rashid Ahmed (@ShkhRasheed) May 21, 2023
سینیئر سیاستدان نے کہا کہ ساری قوم جناح ہاؤس اور جی ایچ کیو پر حملے کی نہ صرف مذمت کرتی ہے بلکہ اس پر رنجیدہ بھی ہے۔ بے گناہ لوگوں کی گرفتاریوں سے اداروں کی ساکھ کو نقصان پہنچے گا۔ معاشی حالات خوفناک ہو گئے ہیں اب اسمبلی میں جانے اور نہ جانے سے فرق نہیں پڑتا۔
جوپارٹیاں بدل رہےہیں عوام میں اُنکی حیثیت دُولہن اک رات کی سےزیاده نہیں دو تین مہینےسسرال جیل کاٹنےسےقیامت نہیں آجاتی لیکن بکنےکادھبہ کبھی نہیں مٹتانسلی اوراصلی مشکل وقت میں ساتھ نہیں چھوڑتےاورچٹان کیطرح ڈٹےرہتےہیں معاشی حالات خوفناک ہوگئےاسمبلی میں جانےاورنہ جانےسےفرق نہیں پڑتا
— Sheikh Rashid Ahmed (@ShkhRasheed) May 21, 2023
ان کا یہ بھی کہنا تھا کہ دو تین ماہ جیل کاٹنے سے قیامت نہیں آ جاتی لیکن بکنے کا دھبہ کبھی نہیں مٹتا، نسلی اور اصلی مشکل وقت میں ساتھ نہیں چھوڑتے اور چٹان کی طرح ڈٹے رہتے ہیں۔