اسلام آباد: پاکستان تحریک انصاف کے رہنما شیخ رشید کا کہنا ہے کہ ہائیکورٹ نے جب سے توشہ خانہ کی تفصیلات مانگی ہیں حکومت توشہ خانہ کیس سے بھاگ گئی، الیکشن اپریل مئی میں نہ ہوئے تو حالات مزید خراب ہوجائیں گے۔
تفصیلات کے مطابق پاکستان تحریک انصاف کے رہنما شیخ رشید نے سماجی رابطے کی ویب سائٹ ٹویٹر پر اپنے ٹویٹ میں کہا کہ ہائیکورٹ نے جب سے توشہ خانہ کی تفصیلات مانگی ہیں حکومت توشہ خانہ کیس سے بھاگ گئی۔
شیخ رشید کا کہنا تھا کہ سیاست اور معیشت دونوں تباہ ہیں، الیکشن اپریل مئی میں نہ ہوئے تو حالات مزید خراب ہوجائیں گے، سارے ہتھکنڈے عمران خان کا راستہ روکنے کے لیے ہیں۔
انہوں نے کہا کہ غریب پر سخت سردی میں لنڈا بازار کے بھی دروازے بند ہیں اور کفن دفن کے پیسے بھی نہیں ہیں۔
ہائی کورٹ نےجب سےتوشہ خانہ کی تفصیلات مانگی ہیں حکومت توشہ خانہ کیس سےبھاگ گئی۔سیاست معیشت دونوں تباہ ہیں۔الیکشن اپریل مئی میں نہ ہوئےتوحالات مزیدخراب ہوجائیں گے۔سارےہتھکنڈےعمران خان کا راستہ روکنےکے لیےہیں غریب پرسخت سردی میں لنڈابازار کےدروازے بند اور کفن دفن کےپیسےبھی نہیں ہیں
— Sheikh Rashid Ahmed (@ShkhRasheed) December 26, 2022
