پاکستان مسلم لیگ عوامی کے سربراہ شیخ رشید احمد نے لال حویلی کے خلاف آپریشن اور اسے سیل کرنے کی وجہ سامنے لے آئے۔
اے آر وائی نیوز کے مطابق شیخ رشید نے سماجی رابطوں کی ویب سائٹ ٹوئٹر پر اس حوالے سے انکشاف کرتے ہوئے کہا ہے کہ برطانوی کمپنی لال حویلی پر فلم بنانے جا رہی ہے جو ان کو برداشت نہیں، اسی لیے رات کے اندھیرے میں لال حویلی پر شب خون مارا گیا۔
شیخ رشید نے اپنے ٹویٹ میں مزید لکھا کہ لال حویلی ذاتی ملکیت اور عوامی خدمت کا مرکز ہے، جس کو ایف آئی اے اور پولیس کی مدد سے سیل کیا گیا۔
یہ بھی پڑھیں: متروکہ وقف املاک نے شیخ رشید کی رہائش گاہ لال حویلی کو سیل کردیا
ان کا کہنا تھا کہ لال حویلی کو سیل کرنا فاشزم اور سیاسی دہشت گردی ہے، 16 وزارتوں کی چھان بین سے کچھ نہ ملا تو لال حویلی پر چڑھائی کر دی۔ اس کارروائی سے قبل ہمیں کوئی نوٹس نہیں ملا۔ اس حوالے سے آج شام 5 بجے پریس کانفرنس کروں گا۔
ہمیں کوئی نوٹس نہیں ملا۔لال حویلی کوسیل کرنافاشزم اورسیاسی دہشت گردی ہےاگریہ ہماری ذاتی ملکیت نہیں توہم قومی مجرم ہیں16وزارتوں کی چھان بین سےکچھ نہ ملا تولال حویلی پرچڑھائی کردی جسکی پہلے ہی 15فروری عدالت میں تاریخ ہے۔ برطانوی کمپنی لال حویلی پرفلم بنانےجارہی ہےجوانکو برداشت نہیں
— Sheikh Rashid Ahmed (@ShkhRasheed) January 30, 2023