شیخوپورہ میں ڈمپر نے رکشے کو روند ڈالا، 2 نوجوان جاں بحق

شیخوپورہ: پنجاب کے شہر شیخوپورہ میں لاہور روڈ پر ایک ڈمپر نے رکشے کو روند ڈالا، حادثے میں 2 نوجوان جاں بحق ہو گئے۔

تفصیلات کے مطابق شیخوپورہ میں لاہور روڈ، قلعہ ستار شاہ پر ایک ڈمپر نے رکشے کو ٹکر مار دی، حادثے کے نتیجے میں 2 افراد جاں بحق اور 2 زخمی ہو گئے۔

ریسکیو ذرائع کا کہنا ہے کہ جاں بحق افراد میں 20 سالہ سجاد عمر اور 19 سالہ نامعلوم نوجوان شامل ہیں، دونوں حادثے کے بعد موقع ہی پر جاں بحق ہو گئے تھے، جب کہ زخمیوں کو بھی شدید چوٹیں آئی ہیں۔

ریسکیو ذرائع نے بتایا کہ حادثہ تیز رفتاری کے باعث پیش آیا، ڈرائیور تیز رفتار ڈمپر کو قابو نہ کر سکا اور رکشے کو روند ڈالا، زخمیوں کو ڈی ایچ کیو اسپتال منتقل کر دیا گیا ہے۔

Comments