پاکستان تحریک انصاف (پی ٹی آئی) کی رہنما شیریں مزاری کو پولیس نے اڈیالہ جیل سے رہائی کے بعد دوبارہ گرفتار کیے جانے پر صاحبزادی ایمان مزاری کا ردعمل آگیا۔
سماجی رابطے کی ویب سائٹ ٹوئٹر پر ایمان زینب مزاری نے لکھا کہ ’تھانہ سیکریٹریٹ گئی تو والدہ شیریں مزاری کی چیخ و پکار سنی، پولیس اہلکار نے مجھے بھی تشدد کا نشانہ بنایا اور فرش پر گھسیٹا۔‘
انہوں نے لکھا کہ ’یہ لوگ اب والدہ شیریں مزاری کو کہیں اور منتقل کررہے ہیں۔‘
ایمان مزاری نے کہا کہ ’یہ لوگ اب گاڑی کو ڈپلو میٹک انکلیو کے اندر لے گئے ہیں۔‘
I went to Secretariat Thaana and heard her screaming in there. Male officer beat me and dragged me on the floor. They are now shifting her.
— Imaan Zainab Mazari-Hazir (@ImaanZHazir) May 16, 2023
واضح رہے کہ اسلام آباد ہائی کورٹ نے آج تھری ایم پی او کے تحت ڈسٹرکٹ مجسٹریٹ کی گرفتاری کا آرڈر کالعدم قرار دیتے ہوئے شیریں مزاری اور سینیٹر فلک ناز کو رہا کرنے کا حکم دیا تھا تاہم اسلام آباد پولیس نے انہیں دوبارہ گرفتار کرلیا۔
شیریں مزاری کو چیئرمین پی ٹی آئی عمران خان کی گرفتاری کے بعد ہونے والے پرتشدد مظاہروں پر 12 مئی کی رات گھر پر چھاپہ مار کارروائی کے دوران گرفتار کیا گیا تھا۔
