لاہور: قومی کرکٹ ٹیم کے سابق فاسٹ بولر شعیب اختر نے ٹی 20 ورلڈ کپ میں قومی ٹیم کو مشکلات کا شکار کرنے والی ٹیم کا نام بتادیا۔
تفصیلات کے مطابق قومی ٹیم کے سابق اسپیڈ اسٹار شعیب اختر نے پاکستان کی نمیبیا سے فتح کے بعد سماجی رابطے کی ویب سائٹ ٹویٹر پر ویڈیو پیغام شیئر کیا۔
شعیب اختر نے کہا کہ پاکستان نے ایک اور شاندار کامیابی حاصل کی، ٹیم مضبوط اور مثبت سمت میں جارہی ہے، پاکستان کو اب دوسرے گروپس کی ٹیموں سے مقابلے کی تیاری شروع کرنی چاہیے کیونکہ انگلینڈ کی ٹیم مشکل میں ڈال سکتی ہے۔
Another win for Pakistan. Going strong and positive. Start preparing for teams of other group now. They can surprise us.
Specially England.Full video: https://t.co/gzs1qai6JK pic.twitter.com/ZMYNAKVoLY
— Shoaib Akhtar (@shoaib100mph) November 2, 2021
سابق فاسٹ بولر نے کہا کہ سب سے پہلے ہمیں سیمی فائنل جیتنے کی ضرورت ہے، جب ہم سیمی فائنل جیت لیں گے تو مجھے یقین ہے کہ ہم انگلیںڈ کا مقابلہ بھی کرسکیں گے۔
واضح رہے کہ قومی ٹیم نے گزشتہ روز نمیبیا کو 45 رنز سے شکست دے کر میگا ایونٹ میں مسلسل چوتھی کامیابی حاصل کرکے سیمی فائنل کے لیے کوالیفائی کرلیا ہے۔