کراچی :شہر قائد والے تیار ہوجائیں، کراچی میں کل سے سائبیریا کی ہوائیں چلنے کا امکان ہے، جس کے باعث شہر میں ہفتے تک سردی کی لہر جاری رہے گی۔
تفصیلات کے مطابق محکمہ موسمیات نے مزید سردی بڑھنے کی پیش گوئی کردی ہے ، کل سےکراچی میں سائبیریا کی سرد ہوائیں چلنے کا امکان ہے، جس کے باعث شہر میں ہفتے تک سردی کی لہر جاری رہے گی۔
کراچی میں کم سے کم درجہ حرارت11ڈگری سینٹی گریڈ ریکارڈ کیا گیا۔
محمکہ موسمیات کا کہنا ہے کہپ کل سائبیریا سے چلنے والی ہوائیں سردی کی شدت میں مزید اضافہ کریگی، سردی کی شدت میں اضافے کا سلسلہ آئندہ ہفتہ تک برقرار رہے گا۔
دوسری جانب ملک بھر میں سردی کے ڈیرے ہیں ، بالائی علاقوں نے برف کی چادر اوڑھ لی جبکہ میدانی علاقوں میں بارش اور ٹھنڈی ہواؤں نے موسم سرد کردیا ہے۔
کوئٹہ سمیت بلوچستان کےمختلف علاقوں میں سردی میں اضافہ ہوگیا، کوئٹہ میں درجہ حرارت منفی7، قلات اور زیارت میں منفی 9سینٹی گریڈ ریکارڈ کیا گیا، محکمہ موسمیات کا کہنا ہے کہ 24 گھنٹےکےدوران صوبے کےمختلف علاقوں میں موسم سرد رہے گا۔
ایبٹ آباد، گلیات, نتھیا گلی، ایوبیہ اور ٹھنڈیانی کے پہاڑوں پر برف باری کا سلسلہ جاری ہے، دو روز میں دو فٹ تک برف پڑ چکی ہے، برف باری کے باعث رابطہ سڑکیں بند متعدد سیاح پھنس گئے۔
ملکہ کوہسار نے بھی پرفباری کے بعد سفید چادر اوڑھ لی ہے، وقفے وقفے سے بارش کا سلسلہ بھی جاری ہے۔
اسلام آبادمیں صبح سویرے بارش سے ٹھنڈ بڑھ گئی، اسکردو میں پارہ منفی سات تک ڈگری گرگیا۔
محکمہ موسمیات کے مطابق آئندہ24گھنٹے میں بالائی خیبرپختونخوامیں بارش اور پہاڑوں پربرفباری متوقع ہے ، بالائی فاٹا میں بھی چندمقامات پربارش اورپہاڑوں پر برفباری کا امکان ہے، راولپنڈی اوراسلام آباد میں مزیدبارش کا امکان ہے جبکہ لاہور،گوجرانوالہ،سرگودھا میں بھی بارش کی پیشگوئی کی گئی ہے اور سندھ اوربلوچستان میں سردی میں اضافہ متوقع ہے۔
