کندھ کوٹ: کچے کے ڈاکوؤں کے ہاتھوں اغوا بچہ سمرت کمار بازیاب کرا لیا گیا۔
تفصیلات کے مطابق سندھ کے شہر کندھ کوٹ سے اغوا ہونے والے بچے سمرت کمار کو پولیس نے منصوبہ بندی کر کے بازیاب کرا لیا۔
ایس ایس پی شکارپور امجد شیخ کا کہنا ہے کہ بچے کو کچے کے ڈاکوؤں نے ایک ہفتے قبل اغوا کیا تھا، پولیس نے پوری پلاننگ سے بچے کی بازیابی ممکن بنائی۔
انھوں نے کہا کہ بچے کی بازیابی پولیس کی بہتر حکمت عملی کی وجہ سے ممکن ہوئی ہے، دیگر تمام مغویوں کو بھی جلد بازیاب کرا لیا جائے گا۔
واضح رہے کہ سندھ اور پنجاب میں کچے کے علاقوں میں ڈاکوؤں کے خلاف پولیس فورس کا وسیع آپریشن جاری ہے، اس دوران متعدد مغویوں کو بازیاب کرایا جا چکا ہے، اور کئی علاقے بھی ڈاکوؤں سے خالی کرا لیے گئے ہیں۔
Comments
- Advertisement -
