کراچی : ڈپٹی اسپیکرسندھ اسمبلی ریحانہ لغاری نے چیف جسٹس پاکستان کو خط لکھا، جس میں ملک میں ایک ہی وقت میں انتخابات کرانے کا مطالبہ کردیا۔
تفصیلات کے مطابق سندھ اسمبلی نے بھی ملک میں ایک ہی وقت میں انتخابات کرانےکامطالبہ کردیا ، ڈپٹی اسپیکرسندھ اسمبلی ریحانہ لغاری نے چیف جسٹس سپریم کورٹ کو خط لکھا۔
جس میں کہا کہ چیف جسٹس سپریم کورٹ کے احکامات پرصوبےمیں اضطراب پیداہواہے،10اپریل کوسندھ اسمبلی نےآئین کی مختلف شقوں پر غور کیا اور قرارداد منظور کی، قرارداد میں مطالبہ کیا گیا قومی اور صوبائی اسمبلیوں کےانتخابات ایک ہی وقت ہونے چاہیئں۔
ڈپٹی اسپیکرسندھ اسمبلی کا کہنا تھا کہ اراکین اسمبلی نےاس بات پرزوردیاقانون سازی کرناپارلیمنٹ کاخصوصی اختیارہے ، 18ویں ترمیم نےالیکشن کمیشن کوآزادانہ اورمنصفانہ انتخابات کرانےکااختیاردیا۔
خط میں کہا کہ الیکشن کمیشن کوآرٹیکل 218، 219 اور 224 کے تحت اختیارات فراہم کیا گیا ہے، انتخابات آزادانہ اور منصفانہ طریقے سے ہوں، کوئی سیاسی جماعت حکومت میں رہ کر انتخابی عمل کومتاثرنہ کرے۔
ریحانہ لغاری نے مزید کہا کہ اس وقت ملک میں ایک آئینی بحران دکھائی دیتاہے، آرٹیکل 218، 219 اور 224 کی روح پر عمل نہیں کیا جا رہا، سپریم کورٹ کا حکم آئین کے مذکورہ آرٹیکلز سے مطابقت نہیں رکھتا۔
خط میں کہنا تھا کہ گزشتہ مردم شماری کےمطابق پنجاب میں سب سے زیادہ نشستیں ہیں، سندھ کے لوگوں میں خیال ہے پنجاب کے انتخابی نتائج پر براہ راست اثر پڑے گا، ایک صوبے میں پہلے انتخابات ہوتے ہیں تو اس کے چھوٹے صوبوں پر اثرات مرتب ہو سکتے ہیں، انتخابات کاعمل خصوصی طورپرالیکشن کمیشن نگران حکومتوں کی موجودگی میں چلاتاہے، آئین پر عمل کرنا ہم سب کا فرض ہے۔
