The news is by your side.

Advertisement

سندھ اسمبلی اجلاس میں ہنگامہ آرائی، ’اردو کو عزت دو‘ کے نعرے

کراچی: سندھ اسمبلی کے اجلاس میں  اپوزیشن جماعتوں نے ’اردو کو عزت دو‘ کے نعرے لگا دئیے۔

اے آر وائی نیوز کی رپورٹ کے مطابق سندھ اسمبلی کا اجلاس مچھلی بازار بن گیا، اپوزیشن جماعتوں نے اسپیکر آغا سراج درانی کی ڈائس کا گھیراؤ کرلیا۔

اپوزیشن جماعتوں کی جانب سے ’اردو کو عزت دو‘ کے نعرے لگائے گئے، اپوزیشن نے نعرے لگاتے ہوئے کہا کہ ’شرم کرو حیا کرو، سیلاب متاثرین کا خیال کرو۔

اپوزیشن اراکین اسمبلی نے ہاتھوں میں سیلاب متاثرین کی تصاویر بھی اٹھا رکھی تھیں۔

ذرائع کے مطابق ایم کیو ایم ارکان اسمبلی قومی زبان اردو سے متعلق قرارداد پیش کرنا چاہتے تھے، واضح رہے کہ محمود اچکزئی نے پی ڈی ایم کے کراچی اجلاس کے دوران اردو زبان سے متعلق تقریر کی تھی۔

اپوزیشن ارکان کی نعرے بازی کے بعد پیپلزپارٹی ارکان نے بھی نشستوں پر کھڑے ہوکر نعرے لگانا شروع کردئیے، حکومت اور اپوزیشن کی نعرے بازی کے دوران وقفہ سوالات ختم ہوگئے۔

یاد رہے کہ 18 اکتوبر کو پاکستان ڈیموکریٹک موومنٹ (پی ڈی ایم) نے باغ جناح میں حکومت مخالف جلسہ کیا تھا جس میں پشتون خواہ ملی پارٹی کے رہنما محمود اچکزئی نے اردو زبان کے خلاف تقریر کی تھی۔

Comments

یہ بھی پڑھیں