کراچی: محکمہ تعلیم سندھ نے تحائف لینے پر پابندی عائد کر دی ہے۔
تفصیلات کے مطابق ڈاٸریکٹر اسکولز نے شہر بھر کے ڈسٹرکٹ ایجوکیشن افسران کو ہدایت کی ہے کہ سالانہ اسکول انسپیکشن کے دوران وہ کسی سے بھی تحفے وصول نہیں کریں۔
ڈاٸریکٹر اسکولز فرناز ریاض کے مطابق اسکولز انسپیکشن کے دوران ڈی ای اوز اجرک، ٹوپی، کیک، کھانا اور دیگر چیزیں اب وصول نہیں کر سکیں گے۔
- Advertisement -
انھوں نے کہا کہ احکامات کی خلاف ورزی پر افسران کے خلاف سخت کارروائی کی جاٸے گی۔
یہ اقدام محکمہ تعلیم کے افسران کی جانب سے دوروں کے موقع پر تحائف وصول کرنے کے پییشگی زبانی احکامات کے بعد اٹھایا گیا ہے، تحائف کی خریداری پر محکمہ تعلیم کی خطیر رقم خرچ ہوتی تھی۔
