The news is by your side.

Advertisement

سندھ ایجوکیشن فاؤنڈیشن کا 3 سال سے قائم فٹ پاتھ اسکول ختم کرنے کا حکم

کراچی : سندھ ایجوکیشن فاؤنڈیشن غریب بچوں کا فٹ پاتھ اسکول چھیننے پر تل گئی، کراچی میں عبداللہ شاہ غازی مزار کے قریب تین سال سے قائم فٹ پاتھ اسکول دو روز میں ختم کرنے کا حکم دیا گیا ہے۔

تفصیلات کے مطابق سندھ حکومت تعلیم کیلئے خود تو کچھ نہ کرسکی اور کراچی میں فٹ پاتھ پر قائم اسکول انتظامیہ کو دھمکیاں دینے لگی، تین سال سے فٹ پاتھ پر اسکول چلانے والی سماجی کارکن انفاس علی شاہ نے الزام عائد کیا ہے کہ سندھ ایجوکیشن فاؤنڈیشن کی منیجنگ ڈائریکٹر ناہید درانی نے انہیں دھمکیاں دی ہیں اور فوری طور پر فٹ پاتھ اسکول کا پروجیکٹ ختم کرنے کا حکم دیا ہے۔

فٹ پاتھ اسکول میں ہنگامی پریس کانفرنس سےخطاب کرتے ہوئے انفاس علی شاہ نے کہا کہ وزیراعلیٰ سندھ نے فٹ پاتھ ا سکول کو سرگرم کرنے کا وعدہ کیا تھا لیکن سندھ ایجوکیشن فاؤنڈیشن غریب بچوں سے فٹ پاتھ پر چلنے والا اسکول بھی چھین رہی ہے۔

اسکول انتظامیہ نے یہ بھی کہا کہ انہیں فٹ پاتھ خالی نہ کرنے پر سنگین نتائج کی دھمکیاں بھی دی جارہی ہیں۔

انہوں نے وزیراعلیٰ سندھ سے مداخلت کی اپیل کی ہے اور چیف جسٹس آف پاکستان سے بھی مطالبہ کیا ہے کہ فٹ پاتھ اسکول کو بچانے کیلئے ہماری مدد کی جائے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں