سکھر: سندھ حکومت نے ہندو برادری کے مذہبی تہوار پر عام تعطیل کا نوٹیفکیشن جاری کردیا۔
اے آر وائی نیوز کے مطابق سندھ حکومت کی جانب سے جاری کردہ نوٹیفکیشن میں کہا گیا ہے کہ ہندو برادری کے مذہبی تہوار ’ہولی‘ پر عام تعطیل ہوگی۔
نوٹیفکیشن کے مطابق 6 اور 7 مارچ کو سرکاری اداروں میں ہندو برادری کے لوگوں کی تعطیل ہوگی۔
- Advertisement -
وزیر ثقافت و تعلیم سندھ سردار شاہ نے ہولی کے تہوار پر ہندو برادری کو مبارک باد پیش کی۔
انہوں نے کہا کہ ہولی کا تہوار رنگوں، خوشیوں کے ساتھ پیار، محبت اور امن پیغام لاتا ہے، ہندو برادری امن و رواداری کے ساتھ اپنا تہوار منانے میں مکمل آزاد ہیں۔
سردار شاہ نے کہا کہ پیپلزپارٹی کی حکومت ہندو برادری کی خوشیوں میں برابر کی شریک ہے۔
