سندھ پولیس کی لیڈی کانسٹیبل کی اسرائیل کے حق میں مبینہ ٹک ٹاک ویڈیو وائرل ہوگئی۔
اے آر وائی نیوز کے مطابق متنازع ٹک ٹاک بنانے والی لیڈی کانسٹیبل کا ریکارڈ سامنے آگیا جبکہ آئی جی سندھ کے احکامات کے بعد اسپیشلائزڈ یونٹس نے تحقیقات بھی شروع کردی ہیں۔
پولیس رپورٹ کے مطابق مبینہ متنازع ٹک ٹاک بنانے والی لیڈی کانسٹیبل کا نام سمبل ہے، ان کے سوشل میڈیا اکاؤنٹ سے اسرائیل کے حق میں پوسٹ وائرل ہوئی تھی۔
لیڈی کانسٹیبل کی آئی ڈی غوری اینجل اور نام غوری پولیس ہے۔
آئی جی سندھ کے نوٹس کے بعد اچانک سے تمام ویڈیوز ڈیلیٹ کردی گئی ہیں، ڈی آئی جی اسپیشل برانچ اور ایس پی یو حکام واقعے کی تحقیقات کررہے ہیں۔
خاتون لیڈی کانسٹیبل اسپیشل پروٹیکشن یونٹ ہیڈ کوارٹر میں تعینات ہے جبکہ وہ نان مسلم کرسچن کمیونٹی سے تعلق رکھتی ہے۔
پولیس رپورٹ میں بتایا گیا ہے کہ سمبل کی تعیناتی میرپور خاص ضلع سے کی گئی تھی، سندھ پولیس ریکارڈ کے مطابق سمبل کی ایک بیڈ انٹری ہے۔
خاتون کانسٹیبل 2019 میں ضلع کورنگی 2021 میرپورخاص تعینات ہوئی، اپریل 2023 میں اس پر جرمانہ بھی ہوچکا ہے۔
پولیس حکام کا کہنا ہے کہ مکمل تحقیقات کے بعد تفصیلات جاری کی جائیں گی۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔