کراچی : سندھ پولیس کے چار اے ایس پیز کو ایس پیز کے عہدے پر ترقی دے دی گئی، آئی جی سندھ اور ایڈیشنل آئی جی کراچی نے تقریب میں افسران کو رینک لگائے۔
تفصیلات کے مطابق آئی جی سندھ ڈاکٹر سید کلیم امام اور ایڈیشنل أئی جی کراچی غلام نبی میمن نے سینٹرل پولیس آفس کراچی میں منعقدہ ایک سادہ مگر پروقار تقریب کے دوران اے ایس پیز سے ایس پیز کے عہدوں پر ترقی پانے والے پی ایس پی گروپ کے افسران کو باقاعدہ رینک لگائے۔
اس موقع پر ایڈیشنل آئی جی اسپیشل برانچ عمران یعقوب منہاس کے علاوہ فائنانس، ایسٹ، اسپیشل برانچ، ٹی اینڈ ٹی اور سیکیورٹی کے ڈی آئی جیز اور اے آئی جیز ویلفیئر، آپریشنزسندھ بھی موجود تھے۔
آئی جی سندھ نے اے اے ایس پی کلفٹن محمد عمران مرزا، اے ایس پی لاڑکانہ محمد کلیم، اے ایس پی خیرپور محمد عمران خان اور اے ایس پی شہداد پور سانگھڑ محمد اظہر کو باالترتب ایس پیز کے عہدوں پر ترقی ملنے کی مبارک باد دی اور اپنی و سندھ پولیس کی جانب سے نیک تمناؤں کا اظہار کیا۔
