کراچی پولیس نے نو مئی واقعات میں ملوث افراد کے خلاف گرینڈ آپریشن کا آغاز کردیا ہے۔
اے آر وائی نیوز کے مطابق پولیس نے پی ٹی آئی ماڑی پور ٹاؤن کے جوائنٹ سیکریٹری امین خان، لیاقت آباد یوسی ون سے شاہجہان، یوسی سات سے زاہد خانزادہ کو گرفتار کرلیا۔
پولیس نے نو مئی کے واقعات میں ملوث افراد کے خلاف ناظم آباد ٹاؤن میں بھی کارروائی کرتے ہوئے سابق امیدوار وائس چیئرمین یوسی چھ سعید ملوک کو گرفتار کرلیا ہے، نیوکراچی کی یوسی چھ کے کونسلر نوید کو بھی پولیس نے اپنی حراست میں لے لیا ہے۔
یہ بھی پڑھیں: عامر کیانی نے پی ٹی آئی کیوں چھوڑی؟ عمران اسماعیل کا انکشاف
آرام باغ پولیس نے کارروائی کرتے ہوئے متعدد پی ٹی آئی کارکنان کو گرفتار کیا ہے۔
پولیس ذرائع کے مطابق شہر کے مختلف علاقوں سے آج 19 افراد کو گرفتار کیا گیا ہے ان میں سے متعدد افراد نو مئی کے واقعات میں ملوث تھے۔
