سکھر : حالیہ موسلا دھار بارشوں کے بعد دریاؤں میں پانی ضرورت سے زیادہ ہوتے ہی سندھ میں بھی سیلابی صورتحال پیدا ہونے کا امکان ہے۔
تازہ ترین اطلاعات کے مطابق دریائے سندھ میں پانی کے بہاؤ میں مسلسل اضافہ دیکھنے میں آرہا ہے، گڈو بیراج پر24گھنٹے کے دوران21ہزار کیوسک پانی کا اضافہ ہوا۔
اس حوالے سے محکمہ آبپاشی حکام کا کہنا ہے کہ تربیلا، کالا باغ چشمہ ،تونسہ ،گڈو اور سکھر بیراج پر نچلے درجے کا سیلاب برقرار ہے۔
ذرائع کے مطابق تربیلا میں پانی کی آمد2لاکھ97ہزار ،اخراج2 لاکھ43ہزارکیوسک ریکارڈ کیا گیا ہے۔
اس کے علاوہ کالاباغ میں پانی کی آمد2لاکھ87ہزار287،ا خراج2لاکھ83 ہزار488 کیوسک جبکہ چشمہ میں پانی کی آمد3 لاکھ75ہزار755 ،اخراج3لاکھ67ہزار755کیوسک ریکارڈ کیا گیا ہے۔
اطلاعات کے مطابق تونسہ میں پانی کی آمد3لاکھ35ہزار972 ،اخراج3لاکھ28 ہزار972کیوسک، سکھربیراج میں پانی کی آمد3لاکھ32ہزار469،اخراج3لاکھ3ہزار629 کیوسک ریکارڈ کیا گیا ہے۔
ذرائع کے مطابق کوٹری بیراج میں پانی کی آمد ایک لاکھ54ہزار349،اخراج ایک لاکھ27 ہزار474کیوسک ریکارڈ کیا گیا ہے۔
