کراچی: شہر ِ قائد میں محکمہ جنگلی حیات نے جناح انٹرنیشنل ایئر پورٹ پر کارروائی کرتے ہوئے نایاب کچھوؤں کے گوشت کی اسمگلنگ ناکام بنادی۔
تفصیلات کے مطابق سندھ وائلڈ لائف نے کراچی کے جناح انٹرنیشنل ایئرپورٹ پر کارروائی کرتے ہوئے کوریئر سروس کے ڈبوں میں بند نایاب نسل کے کچھووں کا گوشت برآمد کرلیا۔
سندھ وائلڈ لائف کے انسپکٹر مختیار سومرو کا کہنا ہے کہ کچھووں کا یہ گوشت ہانگ کانگ کے شہر بنکاک بھجوایا جارہا تھا‘ تحویل میں لیے گئے گوشت کا وزن سولہ کلو ہے جس کی قیمت لاکھوں روپے بنتی ہے۔
ذرائع کا کہنا ہے کہ اسمگلنگ میں ملوث افراد کے خلاف تفتیش جاری ہے اور امید ہے کہ جلد کوئی بڑی کارروائی عمل میں آئے گی۔
کراچی ایئرپورٹ پر نایاب کچھووں کے گوشت کی اسمگلنگ ناکام#Wildlife #Turtles #environment https://t.co/3QIgUuRakw pic.twitter.com/AAtTUJpehn
— ARY News Urdu (@arynewsud) September 19, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
