اے آر وائی ڈیجیٹل پر نشر کیے جانے والے میگا کاسٹ فوجی ڈرامے ’صنف‘ آہن میں رمشا خان (ایل سی پری وش) کا سین مداحوں کو بھا گیا۔
ڈرامہ سیریل صنف آہن کی گزشتہ دنوں 20ویں قسط نشر کی گئی جس میں خاتون کیڈٹس کا مقابلہ مرد کیڈٹس سے تھا اور اس میں اسلحہ اٹھا کر نشانہ لگانا تھا۔
ایل سی پری وش جو ڈرامے میں بلوچستان سے تعلق رکھنے والی متوسط طبقے کی لڑکی کا کردار نبھا رہی ہیں ان کا مقابلہ سردار کے بیٹے سے ہوتا ہے وہ بھی فوج میں بھرتی ہونے کے لیے آتا ہے۔
ویڈیو میں رمشا خان کے بچپن کو دکھایا گیا ہے جب ان کے والد انہیں اسلحہ چلانا سکھا رہے ہوتے ہیں تو دوسری جانب انہیں اس پر والدہ کی جانب سے ڈانٹ ڈپٹ کا سامنا بھی کرنا پڑتا ہے۔
پری وش نشانہ لگانے سے قبل یہ سب سوچ رہی ہوتی ہیں اور اس کے بعد ٹارگٹ پر نشانہ لگاتی ہیں جبکہ سردار کا بیٹا بھی ان کے مقابلے میں نشانہ لگاتا ہے۔
مقابلے سے قبل رمشا خان اپنے والد کو فون کرتی ہیں اور بتاتی ہیں کہ سردار کا بیٹا ہی میرے مدمقابل ہے تو ان کے والد ان کو حوصلہ دیتے ہیں کہ کوئی بھی سامنے ہو تم ہی جیتو گی۔
پری وش سردار کے بیٹے کو شکست دیتی ہیں جس کے بعد میجر اسامہ (شہریار منور) سمیت ان کی ساتھی اداکارائیں بھی خوشی کا اظہار کرتی ہیں اور انہیں ہال میں پہنچتے ہی کاندھوں پر اٹھا لیتی ہیں۔
رمشا خان سے شکست کھانے کے بعد سردار کا بیٹا کہتا ہے کہ مجھے تم سے ہارنے کا افسوس ہے لیکن اس بات کی خوشی ہے کہ بلوچستان کی بیٹی نے مجھے ہرایا ہے۔
Will Nathmy come back safe and sound?
Watch the next episode of #SinfeAahan upcoming Saturday only on #ARYDigital after #JeetoPakistanLeague to find out! #ARYDrama #ISPR #SixSigmaPlus #NextLevelProductions #WomenOfSteel #sinfeaahanary pic.twitter.com/jAxSXNvUmU— arydigitalasia (@arydigitalasia) April 10, 2022
واضح رہے کہ سردار نے رمشا خان اور ان کے والد کی زمین بطور گروی رکھی ہوئی ہے ان کے والد نے سردار سے قرض حاصل کیا تھا جس کے عوض زمین گروی رکھوائی تھی۔