بیروت: لبنان کی نامور گلوکارہ نینسی عجرم کے شوہر نے واردات کے لیے بنگلے میں گھنسنے والے چور کو فائرنگ کر کے ہلاک کر دیا۔
تفصیلات کے مطابق معروف لبنانی گلوکارہ کے بنگلے میں واردات کے لیے داخل ہونے والے نقاب پوش چور نے نینسی کے شوہر کو دیکھتے ہی فائرنگ کر دی، گلوکارہ کے شوہر کی جانب سے جوابی فائرنگ میں چور ہلاک ہو گیا۔
واقعے کی اطلاع ملتے ہی سیکیورٹی فورسز کے اہلکار شواہد جمع کرنے کے لیے جائے وقوعہ پر پہنچے۔ واقعے کی تحقیقات جاری ہیں۔
معروف گلوکارہ کے شوہر ڈاکٹر فادی الہاشم نے چور کو بھاگنے کے لیے رقم کی پیشکش بھی تھی، چور بچیوں کے بیڈ روم کی جانب جانے لگا اور ساتھ ہی دھمکی دے رہا تھا کہ جو بھی اس کے راستے میں آئے گا وہ اسے گولی مار دے گا۔
چور نے جب نینسی عجرم کے شوہر ڈاکٹر فادی الہاشم کی بات نہیں مانی تو انہوں نے اسے فائرنگ کر کے ہلاک کر دیا۔
سعودی عرب میں گھروں میں نقب لگانے والا ماہر چور گرفتار
یاد رہے کہ گزشتہ ماہ ریاض پولیس نے گھروں میں نقب لگانے والا ماہر چور گرفتار کیا تھا، ملزم کی تلاش کے لیے خفیہ پولیس اہلکاروں کو ٹاسک دیا گیا تھا۔
