سہلٹ: قومی ویمن ٹیم کی کھلاڑی عائشہ نسیم نے شاہد آفریدی اور نسیم شاہ کی یاد تازہ کردی، سوشل میڈیا پر ان کا خوب چرچا ہے۔
تفصیلات کے مطابق ویمن ایشیا کپ میں پاکستان ٹیم نے سری لنکا کو پانچ وکٹوں سے ہرایا، میچ کی خاص بات عائشہ نسیم کے دو لگاتار چھکے تھے، جس کی بدولت پاکستان کو کامیابی نصیب ہوئی۔
سری لنکا کے خلاف قومی ویمن ٹیم کو نو گیندوں پر 12 رنز درکار تھے، اس موقع پر عائشہ نسیم نے دو گیندوں پر دو چھکے رسید کرتے ہوئے فتح قومی ٹیم کی جھولی میں ڈال دی۔
https://youtu.be/nkBlGH7A8eo
عائشہ نسیم کے ان چھکوں نے کرکٹ مداحوں کو پاکستان مینز کرکٹ ٹیم کے بولر نسیم شاہ کے افغانستان کے خلاف چھکوں کی یاد تازہ کرادی۔
گزشتہ ماہ مینز ایشیا کپ کے میچ میں نسیم شاہ نے پاکستان ٹیم کو ایسے موقع پر دو چھکے لگا کر میچ جتوایا تھا جب افغانستان کو جیت کے لیے صرف ایک وکٹ درکار تھی۔
سماجی رابطوں کی ویب سائٹ ٹوئٹر پرعائشہ نسیم اور نسیم شاہ کے چھکوں کا موازنہ دیکھنے میں آ رہا ہے اور صارفین کی جانب سے دلچسپ تبصرے دیکھنے کو مل رہے ہیں۔
ارحم نامی صارف نے کمال کے الفاط لکھے کہ ’جن کھلاڑیوں کے نام میں نسیم ہو وہ لگاتار چھکے لگا کر میچ جیتنا پسند کرتے ہیں۔
Players with Naseem in their name love winning games with back to back sixes pic.twitter.com/T2ZPb0FyMw
— Arham (@LazyArham) October 11, 2022
فاطمہ مسرور نے لکھا کہ ’عائشہ نسیم، کیا فنیشر ہیں، ہماری نسیم شاہ ہیں۔‘
AYESHA NASEEM, WHAT A FINISH. OUR NASEEM SHAH!!!
— Fatima Masroor (@sheenuuuufan) October 11, 2022
سعد لکھتے ہیں کہ ’عائشہ نسیم نے آج شاہد آفریدی کی 2014 اور نسیم شاہ کی 2022 کی اننگز کی یاد تازہ کرا دی۔‘
AYESHA NASEEM JUST DID SHAHID AFRIDI 2014 AND NASEEM SHAH 2022 🎉❤️
— S A A D 🇵🇰 (@SaadSays22) October 11, 2022
واضح رہے کہ بنگلہ دیش میں کھیلے جا رہے ویمنز ٹی ٹوئنٹی ایشیا کپ میں پاکستان نے سری لنکا کو 5 وکٹوں سے شکست سے دوچار کیا تھا۔
اسی کے ساتھ ہی ایشیا کپ ویمنز ٹی ٹوئنٹی کپ کی سیمی فائنل لائن اپ بھی مکمل ہوئی، فائنل فور میں پاکستان کے ساتھ بھارت، سری لنکا اور تھائی لینڈ نے جگہ بنائی۔